લોકો પાયલટોને વાસ્તવિક ટ્રેન સંચાલન જેવી તાલીમ મળશે, રેલ સુરક્ષા વધુ સુદ્રઢ બનશે
Rajkot તા.૨૦
પશ્ચિમ રેલવેના રાજકોટ ડિવિઝને રેલ સુરક્ષા અને ક્રૂ (ચાલક દળ) ના કૌશલ્ય વિકાસના ક્ષેત્રમાં વધુ એક મહત્વપૂર્ણ સિદ્ધિ હાંસલ કરતા પસ્માર્ટ આરએસ વાલ્વ સિમ્યુલેટરથ વિકસાવ્યું છે. આર્ટિફિશિયલ ઇન્ટેલિજન્સ (અઈં) આધારિત આ અત્યાધુનિક સિમ્યુલેટર લોકો પાયલટો અને આસિસ્ટન્ટ લોકો પાયલટોને વાસ્તવિક રેલ સંચાલનને અનુરૂપ આધુનિક અને વાસ્તવિક તાલીમ પૂરી પાડશે. આનાથી તેમની કાર્યક્ષમતા, સતર્કતા, નિર્ણય લેવાની ક્ષમતા અને સુરક્ષા જાગૃતિમાં નોંધપાત્ર વધારો થશે.
રાજકોટ ડિવિઝનના સિનિયર ડિવિઝનલ કોમર્શિયલ મેનેજર શ્રી સુનિલ કુમાર મીનાના જણાવ્યા અનુસાર, આ સિમ્યુલેટર વાસ્તવિક રેલ માર્ગોના વીડિયો અને અઈં આધારિત રિયલ-ટાઇમ સિગ્નલ કંટ્રોલ સિસ્ટમ દ્વારા તાલીમને વધુ વાસ્તવિક બનાવે છે. તેમાં દિવસ, રાત્રિ, વરસાદ અને ગાઢ ધુમ્મસ જેવી વિવિધ પરિસ્થિતિઓનું સિમ્યુલેશન ઉપલબ્ધ કરાવવામાં આવ્યું છે, જેનાથી લોકો પાયલટ દરેક પ્રકારની પડકારજનક પરિસ્થિતિઓમાં વધુ સારી રીતે કામ કરવા માટે સક્ષમ બનશે.
સિનિયર ડિવિઝનલ ઇલેક્ટ્રિકલ એન્જિનિયર (ટ્રેક્શન) (જિ. ઉઊઊ/્વઘ) શ્રી મનોજ કુમાર રાવે જણાવ્યું હતું કે, સિમ્યુલેટરમાં પશુ સાથે અથડામણ, વ્યક્તિ સાથે અથડામણ, વાય (ઢ) અને ડબલ વાય (ઢઢ) સ્પીડ રિસ્ટ્રિક્શન ઇન્ડિકેટર્સ (ગતિ પ્રતિબંધ સંકેત) તેમજ સિગ્નલ પાસ્ડ એટ ડેન્જર (જઙઅઉ) જેવી વાસ્તવિક ઓપરેટિંગ પરિસ્થિતિઓની પ્રેક્ટિસ કરાવવામાં આવે છે. આના માધ્યમથી લોકો પાયલટોના રિસ્પોન્સ ટાઈમ (પ્રતિક્રિયા સમય), બ્રેકિંગ સ્કીલ, સ્પીડ અને સિગ્નલના પાલનમાં સુધારો થવાની સાથે કટોકટીની પરિસ્થિતિઓમાં ઝડપી અને યોગ્ય નિર્ણયો લેવાની ક્ષમતા વિકસે છે. તાલીમ બાદ ઓટોમેટેડ પરફોર્મન્સ રિપોર્ટ ઉપલબ્ધ થાય છે, જેનાથી ખામીઓ ઓળખીને તાલીમને વધુ અસરકારક બનાવી શકાય છે.
આ સિસ્ટમ કોઈપણ ઓપરેશનલ જોખમ વિના સુરક્ષિત અને કરકસરયુક્ત તાલીમ પૂરી પાડે છે. આનાથી લોકો પાયલટોનો આત્મવિશ્વાસ વધે છે, ટ્રેનર્સને દરેક તાલીમાર્થીના પ્રદર્શનનું સચોટ વિશ્લેષણ કરવામાં સરળતા રહે છે અને સુરક્ષિત, વિશ્વસનીય તથા કાર્યક્ષમ રેલ સંચાલન સુનિશ્ચિત કરવામાં મહત્વપૂર્ણ મદદ મળે છે.
રાજકોટના ડિવિઝનલ રેલવે મેનેજર શ્રી ગિરિરાજ કુમાર મીનાએ જણાવ્યું હતું કે, નસ્ત્રરાજકોટ ડિવિઝન ઇનોવેશન અને આધુનિક ટેકનોલોજી દ્વારા રેલ સુરક્ષા અને ઓપરેશનલ શ્રેષ્ઠતાને સર્વોચ્ચ પ્રાથમિકતા આપી રહ્યું છે. પસ્માર્ટ આરએસ વાલ્વ સિમ્યુલેટરથ લોકો પાયલટો અને આસિસ્ટન્ટ લોકો પાયલટોને વાસ્તવિક તાલીમ પૂરી પાડીને તેમની નિર્ણય ક્ષમતા, સતર્કતા, પ્રતિક્રિયા કૌશલ્ય અને આત્મવિશ્વાસને મજબૂત કરશે. આ પહેલ સુરક્ષિત, વિશ્વસનીય અને કાર્યક્ષમ રેલ સંચાલન સુનિશ્ચિત કરવાની દિશામાં એક મહત્વપૂર્ણ પગલું છે.
રાજકોટ ડિવિઝન દ્વારા સ્વદેશી રીતે વિકસાવવામાં આવેલ પસ્માર્ટ આરએસ વાલ્વ સિમ્યુલેટરથ ભારતીય રેલવેની આધુનિક તાલીમ પ્રણાલીમાં એક મહત્વપૂર્ણ ઇનોવેશન છે. તે લોકો પાયલટોના કૌશલ્ય વિકાસ, રેલ સુરક્ષા અને ઓપરેશનલ કાર્યક્ષમતાને નવી મજબૂતી આપીને પશ્ચિમ રેલવે, રાજકોટ ડિવિઝનની સુરક્ષિત, વિશ્વસનીય અને ગુણવત્તાયુક્ત રેલ સેવાઓ પ્રત્યેની પ્રતિબદ્ધતાને વધુ સશક્ત બનાવશે.
