Bengaluru, તા.૩૦
કર્ણાટકથી એક વિચિત્ર ઘટના સામે આવી છે. જેણે એક જ્વેલર્સની રાતની ઊંઘ ઉડાવી દીધી છે. અહીં એક જ્વેલર્સની દુકાનમાંથી ૧૦ લાખ રૂપિયાનો હીરો અને સોનાના દાગીના રાતોરાત ગાયબ થઈ ગયા છે. પહેલા દુકાનદારને લાગ્યું કે કોઈ ચોર ચોરી કરીને ફરાર થઈ ગયો હશે, પણ જ્યારે cctv ફૂટેજ તપાસવામાં આવ્યા તો અસલી ચોરને જોઈને દુકાનદારની આંખો પહોળી થઈ ગઈ. cctv ફૂટેજમાં એક ઉંદર દાગીનાને લઈ જતો જોવા મળ્યો.
આ ઘટના તુમકુરુ શહેરના કેલ્ટેક્સ સર્કલ પાસે આવેલી વિશ્વાસ જ્વેલરી શોપની છે. બીજા દિવસે જ્યારે કર્મચારીઓ દુકાને પહોંચ્યા ત્યારે આશરે ૫૦ ગ્રામ વજનના કેટલાક કિંમતી દાગીના ગાયબ હતા.
આમાં હીરા, વીંટીઓ, સોનાના હાર અને અન્ય આભૂષણો સામેલ હતા, જેની કિંમત આશરે ૧૦ લાખ રૂપિયા જણાવવામાં આવી છે.
આશ્ચર્યની વાત એ હતી કે દુકાનનું શટર એકદમ સુરક્ષિત હતું અને જબરદસ્તીથી ઘુસવાના કે ચોરીના કોઈ નિશાન મળ્યા નહોતા. એટલે કર્મચારીઓએ પોલીસમાં ફરિયાદ કરતા પહેલાં દુકાનના cctv કેમેરાની રેકોર્ડિંગ તપાસી. cctv ફૂટેજમાં જે દેખાયું તેણે બધાને ચોંકાવી દીધા. સીસીટીવી ફૂટેજમાં એક ઉંદર એક-એક કરીને હીરા અને સોનાના ઘરેણાંને પોતાના મોંથાથી ઘસડીને લઈ જતો જોવા મળ્યો. ઉંદર ઘરેણાંને દુકાનના એક ખૂણામાં લઈ ગયો અને ત્યાંથી ગાયબ થઈ ગયો.
ફૂટેજના આધારે કર્મચારીઓએ ઉંદરના આવવા-જવાનો રસ્તો શોધ્યો. તપાસ કરતાં તેમને તેનું દર (ઉંદરનું દર) મળી ગયું. જ્યારે દરમાં ખોદકામ કરવામાં આવ્યું, ત્યારે અંદરથી બધાં દાગીના મળી આવ્યા. બધા દાગીના સહીસલામત મળી આવતા દુકાનદાર અને કર્મચારીઓએ રાહતનો શ્વાસ લીધો. હવે આ આખી ઘટનાનો ઝ્રઝ્ર્ફ વીડિયો સોશિયલ મીડિયા પર ઝડપથી વાયરલ થઈ રહ્યો છે.
