New Delhi,તા.31
જંતર મંતર આંદોલન સમયે વડાપ્રધાન નરેન્દ્ર મોદીએ કરેલા સેલ્ફી સંબોધનનો વિડીયો ફેસબુક પરથી થોડા સમય દુર કરવાના મામલે કેન્દ્ર સરકારે સોશ્યલ મીડીયા પ્લેટફોર્મ `મેટા’ સામે આકરુ વલણ અપનાવનાર જ આ અમેરિકી કંપનીએ હવે આ પ્રકારના વીઆઈપી એકાઉન્ટની ઓફર રીવ્યુ કરવાના મામલે નવા પ્રોટોકોલ અપનાવવા અને વધુ સાવચેતીથી કામ લેવાની ખાતરી આપી છે.
બીજી તરફ તેલંગાણા પોલીસે મેટાના વડા અરુણ શ્રીવાસ્તવ સામે એફઆઈઆર દાખલ કરતા કંપનીની મુશ્કેલી વધી છે. પીએમના ડીપફેક મુદે આ કાર્યવાહી થઈ છે. મેટાએ કેન્દ્ર સરકારને આ વિડીયો ટેકનીકલ કારણોથી દુર થયો હતો અને તે તુર્તજ પુનઃસ્થાપીત કરી દેવામાં આવ્યો હતો તેવી માહિતી સાથે સમગ્ર ઘટના પર ખેદ વ્યક્ત કર્યા છે તથા સરકારે જે રીતે મેટાના ટોચના અધિકારીઓને સમન્સ કર્યા છે.
તેમાં આગામી 7-10 દિવસમાં ભારત સરકારના અધિકારીઓને મળશે તેવી ખાતરી આપી છે. મેટાએ તેને ઓટોમેટેડ ગડબડી દર્શાવી છે તથા જણાવ્યું છે કે હવે આ પ્રકારના વીઆઈપી એકાઉન્ટની પોસ્ટ પર વિચારણા સમયે વધુ ઉચ્ચ અધિકારીઓને સામેલ કરીને અંતિમ નિર્ણય લેવાશે.
બીજી તરફ તેલંગાણા પોલીસ પણ એકશનમાં આવી છે. તેણે ફેસબુક, ઈન્સ્ટાગ્રામના એકાઉન્ટના અનેક ઓપરેટર ઉપરાંત ફેસબુકની પેરન્ટ કંપની મેટાના ભારત ખાતેના વડા અરુણ શ્રીવાસ્તવ પર એફઆઈઆર દાખલ કરાઈ છે.
મોદીના ડીપફેક વિડીયો સંબંધમાં આ એફઆઈઆરથી મેટાની મુશ્કેલી વધી છે અને હવે તેઓને હૈદરાબાદ પોલીસ સમક્ષ હાજર થવું પડશે.
