New Delhi તા.25
દિલ્હી-એનસીઆરમાં મંગળવારે સવારથી શરૂ થયેલા મુશળધાર વરસાદથી જનજીવન અસ્તવ્યસ્ત થઈ ગયું છે. સતત થઈ રહેલા ભારે વરસાદના કારણે રસ્તા પર નદીયું વહેતી થઈ છે અને ભારે ટ્રાફીક જામની સ્થિતિ પેદા થઈ છે. સોમવારે શરૂ વરસાદ બાદ સતત બીજા દિવસે મંગળવારે ચાલુ રહેલા વરસાદથી તાપમાનનો પારો ગગડી ગયો છે.
બીજી બાજુ હવામાન વિભાગે સેન્ટ્રલ દિલ્હી, ઈસ્ટ દિલ્હી, ન્યુ દિલ્હી, નોર્થ દિલ્હી, નોર્થ-ઈસ્ટ દિલ્હી, શાહદહા, સાઉથ દિલ્હી, વેસ્ટ દિલ્હી જિલ્લા વગેરેમાં ગાજવીજ અને વાવાઝોડા સાથે ભારે વરસાદ પડી શકે છે.
બીજી બાજુ આજે ભારે વરસાદથી બગડતી પરીસ્થિતિ અને રસ્તા પર પાણી ભરાવાની સ્થિતિને લઈને આપતિ મેનેજમેન્ટ ઓથોરિટીએ ગુરુગ્રામની બધી કોર્પોરેટ ઓફીસો, સરકારી વિભાગો અને પ્રાઈવેટ શૈક્ષણિક સંસ્થાઓને વર્ક ફ્રોમ હોમ અને ઓનલાઈન કલાસીઝની સૂચના અપાઈ છે.
સતત બે દિવસ વરસાદના પગલે દિલ્હીમાં લુટીયન્સ, મથુરા રોડ, કોનોટ પ્લેસ, ભૈરો માર્ગ, આઈટીઓ, સદર બજાર, સંગમ વિહાર, જનકપુરી અને જખીટા અન્ડર પાસ સહિત અનેક મહત્વના માર્ગો પર પાણી ભરાયા હતા. સરાય કાલે ખાં, દ્વારકા એકસપ્રેસ છે અને સેન્ટ્રલ દિલ્હીના મુખ્ય માર્ગો પર કારોની લાંબી લાઈનો જોવા મળી હતી. હવામાન વિભાગે રાજધાનીના અનેક વિસ્તારોમાં ભારે વરસાદનું રેડ એલર્ટ જાહેર કર્યુ છે.
