જીજ્ઞેશ પટેલ દ્વારા
Manavadar તા.૨૯
Manavadar પોલીસે વાડસડા ગામેથી વિદેશી દારૂનો મોટો જથ્થો ઝડપી પાડ્યો છે. આ કાર્યવાહીમાં બે આરોપીઓની ધરપકડ કરવામાં આવી છે, જ્યારે એક ફરાર થઈ ગયો છે. પોલીસે મોટરસાઇકલ અને મોબાઈલ સહિત કુલ રૂ. ૭૩,૩૨૫/- નો મુદ્દામાલ જપ્ત કર્યો છે.
પોલીસ સ્ટેશનના હેડ કોન્સ્ટેબલ સુરેશ ગરચર, વિક્રમભાઈ કડછા અને રમેશભાઈ ગલને મળેલી ચોક્કસ બાતમીના આધારે આ દરોડો પાડવામાં આવ્યો હતો. માણાવદર પોલીસ સ્ટેશનના ઇન્ચાર્જ પીઆઇ એમ.ડી. ચૌધરીની સૂચના અને પીએસઆઈ ડી.કે. ઝાલાના માર્ગદર્શન હેઠળ આ સમગ્ર કાર્યવાહી હાથ ધરવામાં આવી હતી.
પોલીસ તપાસ મુજબ, આરોપી રાકેશભાઈ મગનભાઈ માકડીયા (રહે. વાડસડા, તા. માણાવદર) પોતાની હોન્ડા મોટરસાઇકલ (નંબર -૧૧–૧૯૫૯) પર ગેરકાયદેસર પાસ-પરમિટ વગર વિદેશી દારૂની એક બોટલ લઈ જતો હતો. તેના વાડામાં આવેલી ઓરડીમાંથી પણ અન્ય બોટલો મળી આવી હતી. કુલ ૭૩ બોટલ વિદેશી દારૂ કબ્જે કરવામાં આવ્યો હતો.
પોલીસે રૂ. ૩૮,૩૨૫/- ની કિંમતનો દારૂ, રૂ. ૫,૦૦૦/- નો મોબાઈલ ફોન અને રૂ. ૩૦,૦૦૦/- ની મોટરસાઇકલ સહિત કુલ રૂ. ૭૩,૩૨૫/- નો મુદ્દામાલ જપ્ત કર્યો છે. આ કેસમાં રાકેશ મગન મારડિયા અને દેવાયત ડાયાભાઈ ગરચરની ધરપકડ કરવામાં આવી છે. જ્યારે કરણ નાથભાઈ કોડીયાતર (રહે. થાપલા) ફરાર થઈ ગયો હોવાથી તેની વિરુદ્ધ પણ કાયદેસરની કાર્યવાહી શરૂ કરવામાં આવી છે.આ સફળ રેડને પાર પાડવામાં પોલીસ ટીમમાં રમેશભાઈ ગલ, વિક્રમભાઈ કડછા, સુરેશભાઈ ગરચર, ચાપરાજસિંહ સિંધવ, રણજીતભાઈ દુદકીયા અને અશોકભાઈ વરૂએ મહત્વપૂર્ણ ભૂમિકા ભજવી હતી.
