એનડીપીએસ અને દારૂ સહિતના 26 ગુનામાં સંડોવાયેલી મહિલા સામે ગાંધીગ્રામ પોલીસની કાર્યવાહી
Rajkot,તા.01
સ્ટાફે જામનગર હાઇવે પર ઘંટેશ્વર 25 વારીયા ક્વાર્ટર રેલવે પાટા પાસેથી કૂખ્યાત મહિલા ગીતા મકવાણાને ગાંજાના જથ્થા સાથે ઝડપી લીધી હતી. મહિલા ગાંજો કોની પાસેથી લાવી હતી તે અંગે પોલીસે તપાસ હાથ ધરી છે. જામનગર હાઇવે પર ઘંટેશ્વર 25 વારીયા કવાર્ટર રેલવે પાટા પાસે જામવાડી ફોલ્ડિંગ દિવાલ નજીક કવાટર્રમાંથી કુખ્યાત મહિલા ગીતા અરવિંદભાઈ મકવાણા (ઉ.વ. 45)ને શંકાસ્પદ હાલતમાં ઝડપી લીધી હતી. મહિલા પોલીસે તેની તલાસી લેતા તેની પાસેથી રૂપિયા 8,750 ની કિંમતનો 175 ગ્રામ ગાંજાનો જથ્થો મળી આવ્યો હતો. જેથી પોલીસે મહિલા સામે એનડીપીએસ એક્ટની કલમ હેઠળ ગુનો દાખલ કરાવી કાયદેસરની કાર્યવાહી કરી હતી.વધુમાં જાણવા મળતી વિગતો મુજબ, માદક પદાર્થના જથ્થા સાથે ઝડપાયેલી ગીતાબેન સામે અગાઉ ગાંધીગ્રામ પોલીસ સ્ટેશનમાં વર્ષ 2025 માં એનડીપીએસનો તેમજ દારૂ-મારામારી સહિતના 26 ગુના નોંધાઈ ચૂક્યા છે. આ મહિલા માદક પદાર્થનો જથ્થો કોની પાસેથી લાવી હતી તે અંગે પોલીસે તપાસ હાથ ધરી છે. આ અંગે વધુ તપાસ પીએસઆઇ એન.વી. ચાવડા ચલાવી રહ્યા છે.
