Mumbai,તા.૧૭
ભારતીય વનડે કેપ્ટન રોહિત શર્મા મેદાનમાં પાછા ફરવા માટે તૈયાર છે અને આગામી મહિને ઓસ્ટ્રેલિયા સામેની શ્રેણીનો ભાગ બનવાની અપેક્ષા છે. રોહિતે તૈયારીઓ શરૂ કરી દીધી છે અને પ્રેક્ટિસ કરી રહ્યો છે. રોહિત આયુષ મ્હાત્રે અને સરફરાઝ ખાન સાથે પ્રેક્ટિસ કરતો જોવા મળ્યો. આયુષ અને સરફરાઝે હિટમેન સાથેની તેમની ચર્ચા વિશે ઇન્સ્ટાગ્રામ સ્ટોરી શેર કરી.
રોહિતે મ્હાત્રેને બેટ ભેટમાં આપ્યો, તેના માટે તેમનો આભાર માન્યો. ઇન્સ્ટાગ્રામ સ્ટોરી શેર કરતા મ્હાત્રેએ લખ્યું, “આ ફક્ત ભેટ નથી, તે એક પ્રેરણા છે. આભાર, દાદા.” રોહિત શર્માએ આ વર્ષે ટેસ્ટ ક્રિકેટ અને ૨૦૨૪ માં ટી૨૦ ઇન્ટરનેશનલમાંથી નિવૃત્તિ લીધી. તેણે ૬૭ ટેસ્ટ મેચોમાં ૪,૩૦૧ રન બનાવ્યા, જેમાં ૧૨ સદી અને ૨૧૨ નો સર્વોચ્ચ સ્કોરનો સમાવેશ થાય છે. હવે, તેનું સંપૂર્ણ ધ્યાન વનડે ક્રિકેટ પર છે. ચાહકો તેની વાપસીની આતુરતાથી રાહ જોઈ રહ્યા છે.
રોહિતનું વાપસી ઓક્ટોબરમાં ઓસ્ટ્રેલિયા સામેની ત્રણ મેચની વનડે શ્રેણીમાં થઈ શકે છે. તે છેલ્લે ભારત માટે ચેમ્પિયન્સ ટ્રોફીમાં રમ્યો હતો, અને તેની કેપ્ટનશીપ હેઠળ, ટીમે ટાઇટલ જીત્યું હતું. રોહિતે ન્યુઝીલેન્ડ સામે ફાઇનલમાં ૭૬ રન બનાવ્યા હતા. તેની ઇનિંગ માટે તેને પ્લેયર ઓફ ધ મેચ જાહેર કરવામાં આવ્યો.
તાજેતરમાં, કેટલાક મીડિયા રિપોર્ટ્સમાં હિટમેનની વનડેમાંથી નિવૃત્તિનો દાવો કરવામાં આવ્યો હતો, જેને રોહિતે નકારી કાઢ્યો હતો. થોડા દિવસો પહેલા, તેણે તેના સોશિયલ મીડિયા હેન્ડલ પર એક વીડિયો શેર કર્યો હતો, જેમાં તે કહેતો સાંભળવામાં આવ્યો હતો કે, “હું પાછો આવી રહ્યો છું. મને અહીં મજા આવી રહી છે.
