બંને પક્ષે છુટા હાથની મારામારી બાદ સામસામી પોલીસ ફરિયાદ નોંધાવી
(રવિ નિમાવત દ્વારા)
Morbi તા.૧૦ઃ
મોરબીના રફાળેશ્વર ગામે સમાજ વાડીમાં જુગાર રમવાની ના કહેતા ત્રણ ઇસમોએ કાર, હોટેલમાં નુકશાન કરી બાદમાંપાર્લર, એકટીવા અને રીક્ષામાં પાઈપ વડે તોડફોડ કરી નુકશાન કરી રૂ ૬ હજારની લૂંટ ચલાવી હોવાની મહિલાએ પોલીસ મથકમાં ફરિયાદ નોંધાવી છે તો સામાપક્ષે પણ મારામારીની ફરિયાદ નોંધાવતા પોલીસે બંને પક્ષની ફરિયાદ નોંધી વધુ તપાસ ચલાવી છે
મોરબીના રફાળેશ્વર ગામે રહેતા નીતાબેન પ્રકાશભાઈ કામેજડીયા (ઉ.વ.૩૮૦ વાળાએ આરોપીઓ સુલતાન ગીરધરભાઈ વાઘેલા, અજય ચૌહાણ અને મુકેશ કરશન પરમાર રહે ત્રણેય રફાળેશ્વર વિરુદ્ધ ફરીયાદ નોંધાવી છે કે ફરિયાદીના પતિએ જ્ઞાતિની સમાજ વાડીમાં સાતમ આઠમ તહેવાર પર આરોપીઓને જુગાર રમવાની ના પાડતા સારું નહિ લાગતા ગત તા. ૦૮ ના રોજ બપોરે આરોપીઓએ ફરિયાદીના પતિની આઈ ૨૦ ગાડી અને હોટેલમાં નુકશાન કરી ગાળો આપી હતી તેમજ ફરિયાદીને કહ્યું તારો પતિ ક્યાં તેને જાનથી મારી નાખવો છે કહીને ફરિયાદી નીતાબેનને હાથ અને બંને પગમાં મુંઢ ઈજા કરી હતી બાદમાં ફરિયાદીના બ્યુટી પાર્લરમાં તોડફોડ કરી હતી તેમજ જમાઈના એકટીવા, પાડોશીની પડેલ રીક્ષા અને જેઠના દીકરાની દુકાનના છાપરામાં પાઈપ વડે તોડફોડ કરી નુકશાન કર્યું હતું તેમજ હોટેલના ધંધાના થડામાં રહેલ રૂપિયા ૬ હજાર લૂંટ કરી નાસી ગયા હતા
સામાપક્ષે સુનીતાબેન ખીમજીભાઈ પરમારે આરોપીઓ નીતાબેન પ્રકાશભાઈ કોળી, પ્રકાશ કોળી, ધનીબેન કોળી અને હીનાબેન કોળી રહે બધા રફાળેશ્વર વાળા વિરુદ્ધ ફરિયાદ નોંધાવી છે કે ફરિયાદીના નાના ભાઈ અજયભાઈ આરોપી પ્રકાશ કોળીની હોટેલે માથાકૂટ કરી હતી જેનો ખાર રાખી પ્રકાશની પત્ની નીતાબેન, હીનાબેન અને ધનીબેન બધાએ આવી ફરિયાદી સુનીતાબેનને અલો આપી આરોપી પ્રકાશે જ્ઞાતિ પ્રત્યે અપમાનિત કર્યાની ફરિયાદ નોંધાવી છે મોરબી તાલુકા પોલીસે બંને પક્ષની સામસામી ફરિયાદ નોંધી કાયદેસર કાર્યવાહી હાથ ધરી છે
