ઓસ્ટ્રેલિયન ક્રિકેટર ડેવિડ વોર્નરની સ્ટોરી સોશિયલ મીડિયા પર ઝડપથી વાયરલ થઈ રહી છે
નવી દિલ્હી, તા.૭
આજે દેશભરમાં ગણેશ ચતુર્થીના તહેવારની ધામધૂમથી ઉજવણી કરવામાં આવી રહી છે. ખાસ કરીને મહારાષ્ટ્ર અને મુંબઈમાં ગણેશ ચતુર્થી નિમિત્તે ભક્તોમાં અનેરો ઉત્સાહ જોવા મળી રહ્યો છે. ભારત ઉપરાંત વિશ્વના અન્ય ઘણા દેશોમાં ગણેશ ચતુર્થી ધામધૂમથી ઉજવવામાં આવે છે. ઓસ્ટ્રેલિયન ક્રિકેટર ડેવિડ વોર્નરની સ્ટોરી સોશિયલ મીડિયા પર ઝડપથી વાયરલ થઈ રહી છે. વાસ્તવમાં ઓસ્ટ્રેલિયાના વિસ્ફોટક બેટ્સમેન ડેવિડ વોર્નરે ગણેશ ચતુર્થીના તહેવારની ઉત્સાહ સાથે ઉજવણી કરી હતી. આ પછી તેણે તેના ઓફિશિયલ સોશિયલ મીડિયા એકાઉન્ટ પર સ્ટોરી પોસ્ટ કરી. ડેવિડ વોર્નરની સ્ટોરી સોશિયલ મીડિયા પર ઝડપથી વાયરલ થઈ રહી છે. આ સિવાય સોશિયલ મીડિયા યુઝર્સ સતત કોમેન્ટ કરીને પોતાનો પ્રતિભાવ આપી રહ્યા છે. જો કે, આ પહેલીવાર નથી જ્યારે ડેવિડ વોર્નરનો ભારત પ્રત્યેનો પ્રેમ દેખાડવામાં આવ્યો હોય. આ પહેલા પણ ઘણા પ્રસંગોએ ડેવિડ વોર્નરે ભારતીય સંસ્કૃતિ પ્રત્યે પોતાનો પ્રેમ વ્યક્ત કર્યો છે.
સાથે જ ડેવિડ વોર્નરની કારકિર્દી પર નજર કરીએ તો આ ખેલાડીએ ૧૬૧અને ૧૧૦T૨૦ મેચો સિવાય ૧૧૨ ટેસ્ટ મેચોમાં ઓસ્ટ્રેલિયાનું પ્રતિનિધિત્વ કર્યું છે. ડેવિડ વોર્નરે ટેસ્ટ મેચોમાં ૭૦.૨ની સ્ટ્રાઈક રેટ અને ૪૪.૬ની એવરેજથી ૮૭૮૬ રન બનાવ્યા છે. આ ફોર્મેટમાં ડેવિડ વોર્નરના નામે ૨૬ સદી અને ૩૭ અડધી સદી છે. ફોર્મેટમાં ડેવિડ વોર્નરે ૯૭.૨૬ની સ્ટ્રાઈક રેટ અને ૪૫.૦૧ની એવરેજથી ૬૯૩૨ રન બનાવ્યા છે. વનડે ફોર્મેટમાં ડેવિડ વોર્નરના નામે ૨૨ સદી છે. આ સિવાય ડેવિડ વોર્નરે ફોર્મેટમાં ૩૩ વખત પચાસ રનનો આંકડો પાર કર્યો છે. આ બેટ્સમેને ૧૧૦T૨૦ મેચમાં ૧૩૯.૭૭ની સ્ટ્રાઈક રેટ અને ૪૦.૫૨ની એવરેજથી ૬૫૬૫ રન બનાવ્યા છે. ડેવિડ વોર્નરે ્૨૦ ફોર્મેટમાં ૪ વખત સદીનો આંકડો પાર કર્યો છે.
