Mumbai, તા.13
ઋષભ શેટ્ટીની ફિલ્મ ‘કાંતારા ચેપ્ટર 1’ 2 ઓક્ટોબરે થિયેટરોમાં રિલીઝ થઈ હતી. રિલીઝ થયા બાદ આ ફિલ્મને સારો પ્રતિસાદ મળ્યો હતો. વિવેચકો અને દર્શકોએ ફિલ્મની સ્ટોરીલાઇન અને રિષભ શેટ્ટીના અભિનયની પ્રશંસા કરી હતી. 10 ઓક્ટોબરે, નિર્માતાઓએ જાહેરાત કરી છે કે ફિલ્મે તેનાં પહેલાં અઠવાડિયામાં વિશ્વભરમાં 509 કરોડ રૂપિયાની કમાણી કરી છે.
નિર્માતાઓએ પોસ્ટમાં માહિતી આપી
‘કાંતારા ચેપ્ટર 1’ એ 2022 માં રિલીઝ થનારી ફિલ્મ ‘કાંતારા’ની પ્રિક્વલ છે. આ ફિલ્મમાં ઋષભ શેટ્ટી મુખ્ય ભૂમિકામાં છે. તે આ ફિલ્મનાં દિગ્દર્શક અને લેખક પણ છે. નિર્માતાઓએ સોશિયલ મીડિયા પર એક પોસ્ટમાં લખ્યું, કે ‘બોક્સ ઓફિસ પર ડિવાઇન સિનેમેટિક સ્ટોર્મ સતત વધી રહ્યું છે.
કાંતારા ચેપ્ટર 1’ એ પહેલાં અઠવાડિયામાં જ વિશ્વભરમાં 509.25 કરોડ રૂપિયાનો આંકડો પાર કરી લીધો છે! બ્લોકબસ્ટર ‘કાંતારા ચેપ્ટર 1’ તમારી નજીકનાં થિયેટરોમાં ચાલી રહી છે.
બધી ભાષાઓમાં સારી કમાણી કરી
મૂળ કન્નડમાં બનેલી ‘કાંતારા ચેપ્ટર 1’ એ એક એવી ફિલ્મ છે જેને તમામ ભાષાઓમાં સફળતા મળી છે. હિન્દી સંસ્કરણે બુધવારે ભારતમાં 100 કરોડ રૂપિયાનો આંકડો પાર કર્યો હતો. તેલુગુ વર્ઝને અત્યાર સુધી સારો દેખાવ કર્યો છે, જેણે 60 કરોડથી વધુની કમાણી કરી છે. જ્યારે મલયાલમ અને તમિલ બંનેએ પણ 20 કરોડ રૂપિયાથી વધુની કમાણી કરી છે.
‘કાંતારા ચેપ્ટર 1’ ની ભારતમાં કમાણી
કાંતારા ચેપ્ટર 1′ એ ભારતમાં બોક્સ ઓફિસ પર કબજો કર્યો છે. ગુરુવારે આ ફિલ્મે 20.50 કરોડ રૂપિયાની કમાણી કરી હતી. આ ફિલ્મે ભારતમાં અત્યાર સુધીમાં 334.94 કરોડ રૂપિયાની કમાણી કરી છે.
ફિલ્મની સ્ટાર કાસ્ટ
‘કાંતારા ચેપ્ટર 1’માં ઋષભ શેટ્ટી ઉપરાંત ક્મિણી વસંતા, ગુલશન દેવૈયા અને જયરામ પણ મહત્વના રોલમાં છે. તેની ત્રીજી ફિલ્મ ‘કાંતારા ચેપ્ટર 2’ ની જાહેરાત કરવામાં આવી છે.
