Peshawar, તા.૧૫
પાકિસ્તાનના Peshawar શહેરની દીર કોલોની વિસ્તારમાં આવેલી એક ખાનગી સ્કૂલમાં ગુરુવારે અત્યંત દુઃખદ અને કાળજું કંપાવી દે તેવી ઘટના સામે આવી છે.
સ્કૂલની છત અચાનક ધરાશાયી થઈ જતાં ૧૩ વર્ષથી ઓછી વયના ૨૮ જેટલા માસૂમ બાળકો અને એક મહિલા ટીચરનું કરુણ મોત નિપજ્યું છે. આ અકસ્માતમાં ૪૦થી વધુ લોકો ગંભીર રીતે ઘાયલ થયા છે, જેના કારણે સમગ્ર વિસ્તારમાં અફરાતફરી અને અરેરાટી વ્યાપી ગઈ છે.
સ્થાનિક તંત્ર અને લેડી રીડિંગ હોસ્પિટલ (ન્ઇૐ) દ્વારા મળતી વિગતો મુજબ, અકસ્માત સમયે શાળામાં મોટી સંખ્યામાં બાળકો અભ્યાસ કરી રહ્યા હતા ત્યારે જ અચાનક છત તૂટી પડી હતી. બિલ્ડિંગનો કાટમાળ પડતાં જ અનેક માસૂમ બાળકો અને શાળાનો સ્ટાફ નીચે દબાઈ ગયા હતા. ઘટનાની જાણ થતાં જ સ્થાનિક લોકો અને રેસ્ક્યૂ ટીમો સ્થળ પર પહોંચી ગઈ હતી અને કાટમાળ હટાવીને બાળકોને બહાર કાઢવાની કામગીરી તાત્કાલિક ધોરણે શરૂ કરવામાં આવી હતી.
શરૂઆતમાં મૃત્યુઆંક ઓછો દર્શાવાયો હતો, પરંતુ જેમ જેમ કાટમાળ હટાવવામાં આવ્યો અને ઘાયલોને હોસ્પિટલ પહોંચાડવામાં આવ્યા તેમ તેમ મૃત્યુઆંક ઝડપથી વધતો ગયો હતો. લાવી લાવવામાં આવેલા દર્દીઓની ગંભીર સ્થિતિને જોતાં પેશાવરની લેડી રીડિંગ હોસ્પિટલમાં ઈમરજન્સી જાહેર કરવામાં આવી છે. પોલીસ અધિકારી કેપિટલ સિટી પોલીસ ઓફિસર (ઝ્રઝ્રર્ઁં) ડો. મિયાં સઈદે જણાવ્યું કે ૪૦થી વધુ ઘાયલોની સારવાર ચાલી રહી છે, જેમાંથી કેટલાકની હાલત અત્યંત નાજુક છે.
આ હૃદયદ્રાવક ઘટનાને પગલે પાકિસ્તાનના વડાપ્રધાન શહબાઝ શરીફે ઊંડા દુઃખની લાગણી વ્યક્ત કરી છે. તેમણે મૃતક બાળકોના પરિવારજનો પ્રત્યે સંવેદના વ્યક્ત કરી હતી અને અધિકારીઓને સૂચના આપી હતી કે ઘાયલ થયેલા માસૂમ બાળકોને શક્ય તેટલી શ્રેષ્ઠ અને તાત્કાલિક તબીબી સારવાર પૂરી પાડવામાં આવે તથા બચાવ કામગીરીમાં કોઈ ખામી ન રહે. બીજી તરફ, ખૈબર પખ્તૂનખ્વાના ગવર્નર ફૈસલ કરીમ કુંડીએ પણ આ દુર્ઘટના અંગે શોક વ્યક્ત કર્યો છે અને તેને અત્યંત દુઃખદ ગણાવી છે. ગવર્નરે આ ગંભીર બેદરકારી અંગે તાત્કાલિક તપાસના આદેશ આપ્યા છે. તેમણે સંબંધિત અધિકારીઓ પાસે શાળાની ઇમારતની સ્થિતિ અને છત ધરાશાયી થવાના મુખ્ય કારણો અંગેનો વિગતવાર રિપોર્ટ પણ માંગ્યો છે.
