Junagadh 15 દિવસ પહેલા જ ભાવિ ભરથારનું મોત થતાં વાગદતાએ પણ જીવ દીધો

Junagadh, તા.18
માણાવદર નજીકના કતકપરા ગામે 18 વર્ષની યુવતીએ તળાવના પાણીમાં પડી જઇને જીવ દઇ દીધાની ઘટના સામે આવી છે. આ અંગેની વિગત મુજબ કતકપરા ગામે રહેતા ધીરૂભાઇ પરમારની પુત્રી ભારતીબેન ધીરૂભાઇ (ઉ.વ.18)ની સગાઇ બે વર્ષ પહેલા જુનાગઢના પ્લાસવા ગામે રહેતા અરવિંદભાઇ જેન્તીભાઇ બાંભણીયા સાથે થયેલ હતી જેમાં 15 દિવસ પહેલા અરવિંદભાઇ બાંભણીયાનું પાણીમાં ડુબી જવાના કારણે મોત થવા પામેલ જેનું દુ:ખ ભારતીબેનને  લાગી આવતા ગઇકાલે બપોરના 12.15 કલાકે કતકપરા ગામે આવેલ તળાવમાં જાતે ઝંપલાવી જીવ આપી દેતા અરેરાટી વ્યાપી જવા પામી હતી. મોટાભાઇ હરસુખભાઇ ધીરૂભાઇ પરમાર (ઉ.વ.22)એ કરતા પોલીસે તપાસ હાથ ધરી છે