Visakhapatnam,તા.૬
ભારત અને દક્ષિણ આફ્રિકા વચ્ચે ત્રણ મેચની વનડે શ્રેણીની ત્રીજી મેચ વિશાખાપટ્ટનમ સ્ટેડિયમ ખાતે રમાઈ રહી છે. આ મેચમાં, ટીમ ઈન્ડિયાના કેપ્ટન કેએલ રાહુલે ટોસ જીતીને પ્રથમ બોલિંગ કરવાનો નિર્ણય લીધો. દરમિયાન, ઇનિંગ્સની શરૂઆત કરતા દક્ષિણ આફ્રિકાના વિકેટકીપર-બેટ્સમેન ક્વિન્ટન ડી કોકે શાનદાર સદી ફટકારી, એક મહત્વપૂર્ણ સિદ્ધિ હાંસલ કરી.
આ વનડે શ્રેણીની પ્રથમ બે મેચમાં ક્વિન્ટન ડી કોકનું બેટ શાંત રહ્યું, જેના કારણે ત્રીજી મેચમાં મોટી ઇનિંગ્સની અપેક્ષાઓ જાગી. ડી કોકે વિશાખાપટ્ટનમમાં પણ પોતાના પ્રદર્શનથી બધાને પ્રભાવિત કર્યા, તેણે પોતાની ૨૩મી વનડે સદી ફટકારી, જે એક મહત્વપૂર્ણ સીમાચિહ્નરૂપ છે. ક્વિન્ટન ડી કોક હવે ભારત સામે વનડે માં સૌથી વધુ સદી ફટકારનાર દક્ષિણ આફ્રિકાનો ખેલાડી બની ગયો છે, તેણે દિગ્ગજ એબી ડી વિલિયર્સને પાછળ છોડી દીધા છે. આ ક્વિન્ટન ડી કોકની ભારત સામે સાતમીર્ ંડ્ઢૈં સદી છે. તે વિશ્વ ક્રિકેટમાં વિકેટકીપર-બેટ્સમેન તરીકે એક જ ટીમ સામે સૌથી વધુ સદી ફટકારનાર ખેલાડી પણ બન્યો. આ સંદર્ભમાં, ડી કોકે એડમ ગિલક્રિસ્ટ અને કુમાર સંગાકારાને પાછળ છોડી દીધા. ગિલક્રિસ્ટે શ્રીલંકા સામે વનડેમાં છ સદી ફટકારી હતી, જ્યારે કુમાર સંગાકારાએ ભારતીય ટીમ સામે છ સદી ફટકારી હતી.
ક્વિન્ટન ડી કોક હવે ભારત અને દક્ષિણ આફ્રિકા વચ્ચે વનડેમાં સૌથી વધુ સદી ફટકારવાનો રેકોર્ડ શેર કરે છે. કોહલીએ વનડેમાં દક્ષિણ આફ્રિકા સામે પણ સાત સદી ફટકારી છે. ડી કોક ૨૩ સદી સાથે વિકેટકીપર-બેટ્સમેન તરીકે સૌથી વધુ સદીઓનો રેકોર્ડ પણ શેર કરે છે. વધુમાં, ક્વિન્ટન ડી કોક એબી ડી વિલિયર્સ પછી ભારતમાં વનડે ફોર્મેટમાં ૧૦૦૦ થી વધુ રન બનાવનાર દક્ષિણ આફ્રિકાનો બીજો ખેલાડી છે.
