Gondal ચેક રીટર્ન કેસમાં આરોપીને એક વર્ષની કેદની સજા ફટકારતી રાજકોટ કોર્ટ

Gondal, તા.18
ચેક રીટર્ન કેસમાં આરોપીને એક વર્ષની સાદી કેદની સજા રાજકોટની કોર્ટ દ્વારા ફટકારવામાં આવી છે.  આ કેસની હકિકત એવા પ્રકારની છે કે, આ કામના ફરીયાદી જીતેન રાજુભાઈ જડીયા, રહે.”શ્રી હરિ”, ગાયત્રીનગર, શેરી નં.3/5 બંધ શેરી, પ્રભાકુંજ સામે, ગાયત્રીનગર, રાજકોટવાળાએ જમીન-મકાનની લે-વેચના ધંધા માટે તેમના મિત્ર અને આ કામના આરોપી મોહિત સુર્યકાન્તભાઈ (સુરેશભાઈ) ઘોડાસરા, રહે.એ-1, 402, કસ્તૂરી કેસલ-1, અંબિકા ટાઉનશીપ, જીવરાજપાર્ક, રાજકોટવાળાને રૂા.3,50,000 પુરા હાથ ઉછીના આપેલા હતા, ત્યારબાદ આરોપીએ રકમ ન આપતા આ બાબતનો કેસ રાજકોટના એડી. ચીફ જયુડી. મેજીસ્ટ્રેટ (સ્પે.નેગો.) (જી.પી.ભોઈ)ની અદાલત-રાજકોટમાં ચાલી જતા ફરીયાદીના વકીલ એસ.બી.દાફડાની દલીલ તથા રજુઆતો તેમજ ઉચ્ચ ન્યાયાલયના ચુકાદાઓ ધ્યાને લઈ તા.09/12/2025 ના રોજ આરોપી મોહિત સુર્યકાન્તભાઈ (સુરેશભાઈ) ઘોડાસરાને 1 વર્ષની સાદી કેદની સજા અને ફરીયાદીને ચેકની રકમ જેટલા નાણા વળતર તરીકે દિવસ-60 માં ચુકવી આપવા તેમજ જો આરોપી રકમ આપવામાં નિષ્ફળ જાય તો આરોપીને વધુ 3 માસની સાદી કેદની સજા ભોગવવાનો હુકમ કરવામાં આવેલ છે. ઉપરોકત કેસ ચાલી જતા ફરીયાદી તરફે વકીલ સુરેશ બી. દાફડા (એડવોકેટ) રોકાયેલા હતા.