સ્ટ્રિમિંગ અને ડિજિટલ પાવર લિસ્ટમાં ૧૦૦ સેલેબ્રિટીનો સમાવેશ કરવામાં આવ્યો છે
Mumbai તા.૩૧
અભિષેક બચ્ચન ઇન્ડિયન સ્ટ્રિમિંગ એકેડેમીએ જાહેર કરેલા ૨૦૨૫ના ટોપ ૧૦૦ સ્ટ્રિમિંગ અને ડિજીટલ પાવર લિસ્ટમાં ટોચ પર રહ્યો છે. આ ભારતમાં ઓટીટી અને ડિજિટલ કન્ટેન્ટની દુનિયામાં સૌથી અસરકારક અવાજને ઉજવવા માટેની એક યાદી છે. આ યાદીમા ટોપ પર રહીને અભિષેક બચ્ચને ફરી એક વાર સાબિત કર્યું છે કે તે સૌથી વૈવિધ્યસભર અને સાતત્યપુર્ણ નામ છે. છેલ્લાં કેટલાક વર્ષોમાં તેણે સ્ટ્રિમિંગ પ્લેટફર્મ સાથે મોટા પડદા પર પણ ઘણા યાદગાર પર્ફોર્મન્સ આપ્યા છે, જેમાં ‘યુવા’, ‘લુડો’, ‘બોબ બિશ્વાસ’, ‘ઘૂમર’ અને ‘મનમર્ઝિયાં’ સહિતની ફિલ્મનો સમાવેશ થાય છે. અભિષેકની ‘દસવી’નેટફ્લિક્સ પર પહેલા નંબરે ટ્રેન્ડિંગ રહી હતી. પછી એમેઝોન પ્રાઇમ વીડિયો પર પણ તેની ‘બી હેપ્પી’ અને ‘આઈ વોન્ટ ટુ ટોક’ને પણ વિવેચકોએ ઘણી વખાણી અને તેના કારણે તેને એવોડ્ર્ઝ પણ મળ્યા છે.આ સફર આટલે અટકતી નથી, તેની ફિલ્મ ‘હાઉસફુલ ૫’ રિલીઝ થવાની તૈયારીમાં છે, આમ અભિષેકની સફર તેજ ગતિએ ચાલી રહી છે. તે મજબુત પર્ફોર્મન્સની સાથે દરેક રિલીઝ સાથે સ્ટ્રિમિંગમાં નવા અને મજબુત વિકલ્પો પણ ઉપલબ્ધ કરે છે.અભિષેક બચ્ચન સાથે આ યાદીમાં તેના પછી અદિતિ રાવ હૈદરી, આદિત્ય રોય કપુર પણ છે. સાથે જ યુટ્યુબ આઇકોન અજેય નાગર ઉર્ફે કેરી મિનાતિ પણ ચોથા ક્રમે છે. જોકે, તે એક ટોપ પર રહેલો નોન એક્ટર સેલેબ્રિટી છે.આ જાહેરાત કરતા સ્ટ્રિમિંગ એકેડમીના ફાઉન્ડર વિષ્ણુ ઇંદુરીએ કહ્યું,“ભારતમાં ડિજિટલ ક્ષેત્રમાં વાર્તાઓનો વ્યાપ ઘણો ઉત્સાજનક તબક્કામા છે, જેમાં દેશના દરેક ખુણેથી સર્જકો આવી રહ્યા છે અને દુનિયાભરની કથાઓ લોકો સુધી પહોંચાડી રહ્યા છે. પાવર લિસ્ટ એ મનોરંજનના ભવિષ્યને આકાર આપતા આપણા દેશના લોકોના વિચારોની ઉજવણી છે. આ માત્ર કન્ટેન્ટની વાત નથી, તેમાં આપણી સંસ્કૃતિ પણ પ્રતિબિંબિત થાય છે અને આ લિસ્ટ એવા લોકોનું સન્માન કરે છે, જેઓ નવા નિયમો લખી રહ્યા છે.”આ એવોર્ડનો એક સમારોહ ૫ જુલાઈએ મુંબઇના જિઓ કન્વેન્શન સેન્ટર ખાતે યોજાશે.
