કુવાડવા રોડ પોલીસ મથકના સ્ટાફે શખ્સની અટકાયત કરી ભુજ જેલમાં ધકેલ્યો
Rajkot,તા.18
શહેર પોલીસ કમિશનરે સપાટો બોલાવી માથાભારે શખસ સામે પાસાનું શસ્ત્ર ઉગામ્યું છે.જેમાં કુવાડવા રોડ પોલીસ મથકના ચોપડે મારામારીના ગુનામાં પોલીસ ચોપડે ચડી ચૂકેલ માથાભારે અજય ઉર્ફે સંજય રોજાસરાની પાસા તળે અટકાયત કરી ભુજ જેલ હવાલે કર્યો છે. વધુ વિગત મુજબ શહેરમાં કાયદો અને વ્યવસ્થા જાળવવા માટે મારામારી સહિતના શરીર સંબંધી ગુનાઓમાં પોલીસ ચોપડે ચડી ચૂકેલા. માથાભારે શખ્સો સામે કડક હાથે કામગીરી કરવા પોલીસ કમિશનર બ્રજેશકુમાર ઝા એ આપેલી સૂચનાને પગલે કુવાડવા રોડ પોલીસ મથકના સ્ટાફ દ્વારા ગુનેગારોનો ઈતિહાસ ચકાસતા જેમાં શહેરના નવાગામ આણંદ પર ખાતે રંગીલા સોસાયટીમાં રહેતો અજય ઉર્ફે સંજય ટકો વાઘજી રોજાસરા નામના શખ્સ સામે શરીર સંબંધી ગુનામાં પોલીસ ચોપડે ચડી ચુક્યો હોવાથી તેની સામે પીસીબી શાખા દ્વારા પાસાની દરખાસ્ત તૈયાર કરી હતી જે દરખાસ્ત પર પોલીસ કમિશનર બ્રજેશકુમાર ઝાએ મંજૂરીની મહોર મારી હતી. જે વોરંટની કુવાડવા રોડ પોલીસ મથકના સ્ટાફે બજવણી કરી અજય ઉર્ફે સંજય રોજાસરા ની અટકાયત કરી ભુજ જેલમાં ધકેલવામાં આવ્યો છે.
