London,તા.17
ICC એ તેની વાર્ષિક બેઠકમાં BCCI સચિવ દેવજીત સૈકિયાને ગવર્નન્સ રિવ્યૂ કમિટીના અધ્યક્ષ તરીકે નિયુક્ત કર્યા. સમિતિમાં ક્રિકેટ સાઉથ આફ્રિકાના ડો. મોહમ્મદ મૂસાજી અને ICCના ડો. રોઝ રિવાજનો પણ સમાવેશ થાય છે.
ICC એ ફ્રેન્ચાઇઝ લીગની દેખરેખ માટે એક નવી ફ્રેન્ચાઇઝ લીગ સમિતિની પણ રચના કરી છે. તેની અધ્યક્ષતા બાંગ્લાદેશના ભૂતપૂર્વ કેપ્ટન તમિમ ઇકબાલ કરશે. સમિતિમાં ક્રિકેટ નામિબિયાના ડો. રૂડી વાન વુરેન, ઇંગ્લેન્ડ અને વેલ્સ ક્રિકેટ બોર્ડના રિચાર્ડ ગોલ્ડ અને ક્રિકેટ ઓસ્ટ્રેલિયાના ટોડ ગ્રીનબર્ગ, દેવજીત સૈકિયાનો સમાવેશ થાય છે.
બેઠકમાં, ICC એ ક્રિકેટ વેસ્ટ ઈન્ડિઝ (CWI)ને 12.8 મિલિયન યુએસ ડોલર (આશરે 12.82 મિલિયન) ની લોન મંજૂર કરી, જે નાણાકીય રીતે સંઘર્ષ કરી રહી છે. મોરેશિયસને પણ ICCના 111મા સભ્ય તરીકે સ્વીકારવામાં આવ્યું હતું, જ્યારે ક્રિકેટ કેનેડાનું સસ્પેન્શન અમલમાં છે. ફ્રાન્સ ક્રિકેટને તેના સભ્યપદ નિયમોનું ઉલ્લંઘન કરવા બદલ નોટિસ જારી કરવામાં આવી હતી.
