New Delhi, તા.21
નીટ પેપર લીક મામલે કેન્દ્રીય શિક્ષણમંત્રીના રાજીનામાની માંગ સાથે છેલ્લા એક મહિનાથી ઉપવાસ આંદોલન પર બેઠેલા કોકરોચ જનતા પાર્ટી સીજેપીના છાત્ર દેખાવકારોએ કરેલી સંસદ માર્ચ અને પોલીસે કરેલા લાઠીચાર્જની ઘટનાએ માત્ર દેશભરમાં જ નહીં દુનિયાભરમાં પડઘા પાડયા છે. દુનિયાના વિદેશી મીડીયાએ આ ઘટનાની નોંધ લીધી છે.
બ્રિટનના અખબાર `ધી ગાર્ડિયન’ એ હેડલાઈનમાં લખ્યું છે- કોકરોચ જનતા પાર્ટીના હજારો દેખાવકારોએ દિલ્હીમાં માર્ચ કાઢીને પોલીસના આદેશનું ઉલ્લંઘન કર્યુ. બીબીસીએ સેંકડોથી હજારો સુધી ભારતના `કોકરોચ’ વિરોધી આંદોલન કેવી રીતે વધ્યું તે નામથી સ્ટોરીને એશિયા સેકશનના પેજ પર જગ્યા આપી, અમેરિકાની એબીસી ન્યુઝે પણ લખ્યું- દેખાવકારોએ નવી દિલ્હીની વચ્ચોવચ્ચ આવેલ વિરોધ સ્થળની ચારે બાજુ લાગેલા સુરક્ષા બેરીકેડ તોડાવાની કોશીશ કરી.
પોલીસના રોકવા છતાં એક દેખાવકારોએ સંસદ તરફ માર્ચ કરી. અમેરિકી અખબાર `વોશિંગ્ટન પોસ્ટ’ એ લખ્યું- ભારતના યુવા નેતૃત્વ વાળા કોકરોચ આંદોલનના સમર્થકોને સંસદ તરફની માર્ચ રોકવા માટે પોલીસે આંસુ ગેસનો ઉપયોગ કર્યો.
ફ્રેન્ચ અખબાર હજારો સમર્થકો વિશ્વ વિદ્યાલયો અને અન્ય શહેરોમાં રેલીઓમાં લાગી ગયા છે. તેઓ શિક્ષણ મંત્રી ધરમેન્દ્ર પ્રધાનના રાજીનામા અને પરીક્ષાની સીસ્ટમમાં સુધારા અને એકઝામ પેપર લીક થયા બાદ આત્મહત્યા કરનાર છાત્રોના પરિવારને વળતર આપવાની માંગ કરી રહ્યા છે.
પાકિસ્તાનના અખબાર `ડોન’ એ લખ્યું છે- સોમવારે સવારે જ હજારો દેખાવકારો ભેગા થવા લાગ્યા, સતત થઈ રહેલ ઝરમર વરસાદ અને પોલીસ બેરિકેડની અવગણના કરી સંસદ તરફ માર્ચ કરવા લાગ્યા.
શ્રીલંકાના અખબાર `ડેઈલી મીરર’ એ લખ્યું, દેખાવકારો હાથમાં ઝંડો લઈ સંસદ તરફ આગળ વધી રહ્યા છે, નેપાળી અખબાર `કાઠમંડુ પોસ્ટ’ એ લખ્યું છે- બેરિકેડ છતાં દેખાવકારોએ પોતાની માર્ચ ચાલુ રાખવાની કોશીશ કરી.
`ન્યુયોર્ક ટાઈમ્સ’ એ લખ્યું- માત્ર બે મહિના પહેલા સ્થાપિત એક જમીની આંદોલન છે અને ભારતના યુવાનોના ગુસ્સાનું પ્રતિક બની ગયું છે.
