New Delhi,તા.20
ઈન્ડિગોના પાયલોટ ખૂબ ખુશ થયો જ્યારે તેણે જોયું કે ભારતીય ક્રિકેટ સ્ટાર સૂર્યકુમાર યાદવ તેની ફ્લાઈટમાં સવાર થયાં છે. પાયલોટ, જસવંત વર્માએ આ ખાસ મુલાકાતને એક વિડિયોમાં કેપ્ચર કર્યું હતું અને હવે તે વિડિઓએ લગભગ 20 લાખ વ્યૂઝ મેળવ્યાં છે અને ખૂબ વાયરલ થયો છે.
ફ્લાઈટ પર મુસાફરોને શુભેચ્છા પાઠવતી વખતે, વર્માનો ઉત્સાહ સ્પષ્ટ હતો કારણ કે તેણે યાદવને જોયો હતો. તેણે આ ક્ષણને યાદગાર બનાવવા માટે ક્રિકેટરને એક શુભેચ્છા નોટ લખીને આપી હતી.
પાયલોટે કહ્યું કે મેં સૂર્યકુમાર યાદવને ઓનબોર્ડ પર જોયો – તે મારા માટે હીરો છે જેણે આપણે ટી-20 વર્લ્ડ કપ અપાવ્યો છે. મેં તેનાં માટે એક વિશેષ આભાર નોટ લખીને તેમને આપી હતી. વર્માએ ટીશ્યુ પેપર પર પોતાનો સંદેશ લખ્યો હતો, જેમાં લખ્યું હતું કે સૂર્ય કુમાર યાદવનું બોમ્બેની અમારી ફ્લાઇટ 6E5295માં હાર્દિક સ્વાગત છે.
આજે તમે અમારી સાથે ઓનબોર્ડ છો તે અમારા માટે સન્માનની વાત છે. પાયલોટ અને ક્રૂ મેમ્બર સાથે એક ગ્રુપ ફોટો માટે મારી એક નાની વિનંતી છે આભાર, પાયલટ જસવંત કેબિન ક્રૂના એક સભ્યએ સૂર્યકુમાર યાદવને નાસ્તાની સાથે આ નોટ આપી હતી, બાદમાં સૂર્યાએ વિનંતીને સ્વીકારી હતી. ફ્લાઇટ લેન્ડ થયાં પછી, યાદવે પાઇલટ અને ક્રૂ મેમ્બર સાથે ગ્રુપ ફોટોમાં સામેલ થયાં હતાં.
