Mumbai,તા.15
બોલિવૂડની નાવ આજકાલ સીક્વલ અને ફ્રેન્ચાઇઝી પર જ સવાર છે. એકલાં અજય દેવગન ગોલમાલ, સિંઘમ, દે દે પ્યાર દે, દૃશ્યમ, રેડના પાર્ટ 1, 2, 3, 4 ની લાઈનો લગાવી રહ્યાં છે. આ જ લિસ્ટમાં 2007 ની કોમેડી ફિલ્મ ધમાલના ત્રીજા પાર્ટ ’ટોટલ ધમાલ’ નો પણ તેઓ હિસ્સો બન્યાં હતાં, જેની નવી કડી ’ધમાલ 4’ સિનેમાઘરોમાં પહોંચી ચૂકી છે. જો કે, આ ફિલ્મ માથા-પગ વગરની એવી કોમેડી છે, જે તમને હસાવવામાં ક્યાંક-ક્યાંક જ સફળ થઈ શકે છે.
વાર્તા અલગ-અલગ ટુકડીના લોકોની લાલચની છે, જેઓ એક ખજાનાની શોધમાં સિંહ-વ્હેલ, મગરમચ્છ-સાપ, ખાઈ-તોફાન જેવી જાત-જાતની મુસીબતોમાંથી પસાર થાય છે. આમાં એક તરફ છે બે બાળકોની માતા આલિયા (ઈશા ગુપ્તા) સાથે લગ્ન કરવાની ઈચ્છા રાખનારો ગુડ્ડુ (અજય દેવગન) અને તેનો સાથી જોની (સંજય મિશ્રા). બીજી ટોળી છે ભાઈઓ આદિત્ય (અરશદ વારસી), માનવ (જાવેદ જાફરી) અને આદિની પત્ની (સંજીદા શેખ) ની. ત્રીજો લાલચુ છે.
કિસ્મતનો માર્યો લલ્લન (રિતેશ દેશમુખ) જે પહેલાં તો કોઈ અમીરજાદી સાથે લગ્ન કરીને પૈસાદાર બનવા માંગે છે, પરંતુ તેના હિસ્સે આવે છે ડ્રાઇવર પિતાની વજનદાર પુત્રી પારો (અંજલિ આનંદ). આ બધા સિવાય છે, એક મગજ વગરનો દરિયાઈ લૂંટારો અધૂરો (રવિ કિશન). હવે ખજાનાની શોધમાં આ બધા કઈ હદ સુધી જાય છે, શું-શું વેઠે છે? તે ફિલ્મ જોઈને ખબર પડશે.
જેમ કે ટ્રેલર પરથી જ સાફ છે, ઈન્દ્રકુમાર નિર્દેશિત આ ફિલ્મ પાગલપંતીથી ભરેલી, મગજના દરવાજા બંધ કરીને જોવાવાળી સેન્સલેસ કોમેડી છે. દરેક સીનમાં નોન-સ્ટોપ કોમેડી ઓફ એરર ક્રિએટ કરવાનાં ચક્કરમાં કંઈ પણ આડુંઅવળું થઈ રહ્યું છે.
ઈન્દ્ર કુમાર ક્યાંક ને ક્યાંક હજુ પણ 90 ના એ જ દાયકામાં અટકેલા છે, જ્યાં લોકોનાં તોતડાવા પર, વજન પર જોક્સ વગેરેને હસવાનું સાધન માનવામાં આવતું હતું. મોટાભાગના જોક્સ જૂના છે, જે વધારે પ્રભાવિત નથી કરતાં. ફિલ્મનું વીએફએક્સ પણ નબળું છે. જો કે, કેટલાક ટ્રેક્સ મજેદાર છે જે દર્શકોને હસવાની તક આપે છે.
જેમ કે, અરશદ-જાવેદ જાફરી અને સંજીદાની ત્રિપુટી. તેઓ જ્યારે પણ સીન પર આવે છે, હસાવે છે. સંજય મિશ્રાનો અંદાઝ પણ મજેદાર લાગે છે. જ્યારે, રિતેશનો દેશી અંદાઝ લાઉડ (વધારે પડતો) લાગે છે.
બાકી, એક્ટિંગના મામલામાં તમામ કલાકારોએ પોતાની ભૂમિકા ઠીકઠાક નિભાવી છે. કુલ મેળવીને, જો તમે મગજનાં દરવાજા બંધ કરીને ફિલ્મ જોવાની કળા જાણો છો, ત્યારે જ આ તમને આ ફિલ્મ પસંદ પડશે, નહિતર નહિ.
ફિલ્મ શા માટે જોવી જોઈએ ? :-
મગજ ચલાવ્યા વગર જ કોમેડી ફિલ્મ જોવી હોય તો જ ટિકિટ કપાવો નહીતર નહિ.
ફિલ્મ : ધમાલ 4
રેટિંગ: 5 માંથી 2 સ્ટાર
નિર્દેશક: ઈન્દ્ર કુમાર
કલાકાર: અજય દેવગન, અરશદ વારસી, રિતેશ દેશમુખ, જાવેદ જાફરી, રવિ કિશન, સંજીદા શેખ, અંજલિ આનંદ, ઈશા ગુપ્તા, સંજય મિશ્રા, ઉપેન્દ્ર લિમયે આદિ.
અવધિ: 2 કલાક 23 મિનિટ
ઝોનર: કોમેડી
