માત્ર ૧૫ મહિના પહેલા જ લોન્ચ કરવામાં આવેલી આ પ્રોપર્ટીને મળેલા જબરદસ્ત પ્રતિસાદથી અશર ગ્રુપ ખૂબ જ ખુશ છે
Mumbai, તા.૧૪
દિગ્ગજ અભિનેતા દિલીપ કુમાર સાથે જોડાયેલા ગુડ ન્યુઝ સામે આવ્યા છે અને મુંબઈના પાલી હિલમાં અભિનેતાનો બંગલો આ વર્ષના મધ્યમાં ૧૭૨ કરોડ રૂપિયામાં વેચાયો હતો. તેને અશર ગ્રુપે ખરીદ્યું હતું. આ બંગલાને લક્ઝુરિયસ એપાર્ટમેન્ટ કોમ્પ્લેક્સમાં ફેરવી દેવામાં આવ્યો છે. જેને ‘ધ લિજેન્ડ’ નામ આપવામાં આવ્યું હતું. રિપોટ્ર્સનું માનીએ તો માત્ર ૧૫ મહિનામાં ૫૦૦ કરોડ રૂપિયાનું વેચાણ થયું છે. જે પોતાનામાં જ આશ્ચર્યજનક છે. આ વેચાણ દર્શાવે છે કે આ વિસ્તારોમાં મોટા ફ્લેટની માંગ ઘણી વધારે છે.અભિનેતાના વેચાયેલા પાલી હિલ બંગલાને લક્ઝરી એપાર્ટમેન્ટમાં ફેરવવામાં આવ્યો હતો. તે આ એપાર્ટમેન્ટમાંથી ઘણી કમાણી કરી રહ્યો છે. માત્ર ૧૫ મહિના પહેલા જ લોન્ચ કરવામાં આવેલી આ પ્રોપર્ટીને મળેલા જબરદસ્ત પ્રતિસાદથી અશર ગ્રુપ ખૂબ જ ખુશ છે.એક અહેવાલ અનુસાર અશર ગ્રુપે પોતાના નિવેદનમાં આ વાતનો ખુલાસો કર્યો છે. કંપનીએ કહ્યું કે તેની યોજના આવા ૧૯ લક્ઝરી એપાર્ટમેન્ટ બનાવવાની છે જેમાંથી તે લગભગ ૮૫૦ કરોડ રૂપિયા કમાઈ શકે છે. એવું પણ કહેવામાં આવ્યું હતું કે અત્યાર સુધીમાં ચાર લક્ઝરી એપાર્ટમેન્ટ વેચાઈ ચૂક્યા છે. જેમાં ટ્રિપલેક્સનો સમાવેશ થાય છે. હાલમાં ચાર ટ્રાન્ઝેક્શન નોંધાયા છે અને ૨ મહિનામાં વધુ ત્રણ ટ્રાન્ઝેક્શન નોંધાશેકંપનીના જણાવ્યા અનુસાર, પહેલો એપાર્ટમેન્ટ એપકો ઈન્ફ્રાટેક પ્રાઈવેટ લિમિટેડ દ્વારા ખરીદવામાં આવ્યો હતો. તેણે સી વ્યૂ ટ્રિપ્લેક્સ એપાર્ટમેન્ટ ખરીદ્યું જેની કિંમત ૧૫૫ કરોડ રૂપિયા છે. દિલીપ કુમારનો બંગલો ખરીદ્યા પછી, અશર ગ્રુપે રિડેવલપમેન્ટ પ્રોજેક્ટ હેઠળ તેમાં ૪ અને ૫ બીએચકે લક્ઝરી એપાર્ટમેન્ટ્સ બનાવ્યા, જેમાં ડુપ્લેક્સ પણ છે. આ સાથે દિલીપ કુમારને સમર્પિત કરવા માટે ૨૦૦૦ ચોરસ ફૂટનું મ્યુઝિયમ પણ બનાવવામાં આવ્યું હતું. તમને જણાવી દઈએ કે દિલીપ કુમારનો આ બંગલો ૭૧ વર્ષ જૂનો છે.
