Mumbai,તા.15
યામી ગૌતમનું નામ એવી અભિનેત્રીઓની સૂચિમાં શામેલ છે જે કોઈપણ ફિલ્મમાં ખૂબ જ કુશળતાપૂર્વક કામ કરે છે. હવે તેની નવી ફિલ્મ ધૂમ ધામ ઓટીટી પર રિલીઝ થઈ છે. કોમેડી અને એક્શનથી ભરપૂર, આ ફિલ્મ સમજાવે છે કે છોકરીઓને પરિવારનાં સભ્યો અને તેમનાં પતિની સામે શા માટે ખોટું બોલવું પડે છે ?
ફિલ્મની શરૂઆતમાં, એક દંપતી પોતાનો જીવ બચાવીને ભાગતાં જોવા મળે છે, જેનો પીછો ગુંડાઓ ચાર્લીને શોધવા માટે કરે છે. મોટાભાગની હિન્દી ફિલ્મોએ આવી જ કોમેડી અને એકશન આધારિત વાર્તા બતાવવામાં આવે છે તો ચાલો જાણીએ કે નિરમાતાઓ આ ફિલ્મમાં નવું શું બતાવવાનો પ્રયાસ કરે છે અને શું આ ફિલ્મ ધૂમ ધામ જોવા યોગ્ય છે ?
ફિલ્મ ધૂમ ધામની વાર્તા
આ ફિલ્મની વાર્તા કોયલ (યામી ગૌતમ) અને વીર (પ્રતિક ગાંધી) ની આસપાસ ફરે છે. બંનેની મુલાકાત અરેન્જ મેરેજ દ્વારા થાય છે. લગ્નની રાતે બંને વચ્ચે કંઈક રોમેન્ટિક શરૂ થવાનું જ હોય છે કે અચાનક બે પુરુષો દરવાજો ખખડાવે છે, જેમાંથી એક એજાઝ ખાન હોય છે. તેઓ ’ચાર્લી’ નામનાં માણસને શોધી રહ્યાં છે, જે તેમને લાગે છે કે તે વીર સાથે છે.
ગમે તેમ કરીને બંને તેમની પાસેથી છટકી જાય છે. પછી પ્રતીકને કોયલ વિશે ખબર પડે છે કે તે સારી રીતે કાર ચલાવવામાં અને ગુંડાઓ સામે લડવામાં અને ગાળો દેવામાં પણ નિપુણ છે.
વધુમાં ફિલ્મની સ્ટોરીમાં ચાર્લી કોણ છે તે સામે આવ્યું છે ? અને આ દંપતીને તેમની સાથે શું લેવાદેવા છે ? આવા તમામ સવાલોનો જવાબ ફિલ્મની સ્ટોરીમાં મળે છે. ધૂમ ધામ કોમેડી, એક્શન, સસ્પેન્સ અને રોમાન્સનું મિશ્રણ છે.
ફિલ્મ કેવી છે ?
1 કલાક 48 મિનિટની ફિલ્મ રસપ્રદ રીતે શરૂ થાય છે. વાર્તા સમય જતાં વધુ રસપ્રદ બને છે. દુલ્હન બનેલી યામી ગૌતમ જ્યારે ગુંડાઓની ધોલાઈ કરે છે, ત્યારે મજા બમણી થઈ જાય છે. એક છોકરી દરેક પરિસ્થિતિનો સામનો કરવા માટે સક્ષમ હોય છે. તે તમને ધૂમ ધામ ફિલ્મ શીખવવાનું કામ કરે છે.
યામીનું પાત્ર શાનદાર રીતે બતાવવામાં આવ્યું છે, જે પળવારમાં સમજાવે છે કે શા માટે છોકરીઓએ સમાજની સામે જૂઠું બોલવું જરૂરી છે. પ્રતિક ગાંધીનું પાત્ર પણ ફિલ્મનાં છેલ્લાં ભાગ સુધી ખૂબ જ રસપ્રદ બની જાય છે.
યામીનો ડાયલોગ કે ગાળો બોલવાની સ્ટાઇલ તમારાં ચહેરા પર ચોક્કસથી સ્માઇલ લાવશે. ફિલ્મ જોતી વખતે તમને એક ક્ષણ માટે પણ એવું નહીં લાગે કે હવે ફિલ્મને સહન કરવી મુશ્કેલ છે.
અભિનય અને દિગ્દર્શન કેવું છે ?
યામી ગૌતમે આ ફિલ્મમાં પ્રશંસનીય કામ કર્યું છે. એક્શન કરવાથી લઈને ડાયલોગ્સની સ્ટાઈલ સુધી, તેણે કોઈ કસર છોડી નથી. પ્રતિક ગાંધી વીર એટલે કે યામીના ઓનસ્ક્રીન પતિની ભૂમિકામાં છે. તેમણે પાત્રની જરૂરિયાત પૂરી કરવામાં કોઈ કસર છોડી નથી. ફિલ્મમાં એજાઝ ખાનનો અભિનય પણ સારો છે.
તેને હસાવવાનો પણ એક સારો પ્રયાસ કર્યો છે. આ ઉપરાંત પ્રતીક બબ્બરનું પાત્ર નાનું છે, પણ અસરકારક છે. મુકુલ ચઢ્ઢાએ પોલીસમેનના રોલમાં પોતાનું કામ સારી રીતે કર્યું છે. ધૂમ ધામનું ડિરેક્શન પણ સારું છે. આ મહત્વની જવાબદારી ઋષભ શેઠે ઉપાડી છે
એકંદરે આ ફિલ્મ 2.5 સ્ટારને લાયક છે. વીકેન્ડ પર આ ફિલ્મ એક વાર જરૂર જોઇ શકાય છે. ખાસ વાત એ છે કે આ માટે તમારે થિયેટરોમાં જવાની જરૂર નહીં પડે. તમે ઘરે બેઠાં નેટફ્લિક્સ પર આ ફિલ્મ જોઈ શકો છો.
રેટિંગ : 5 માંથી 2.5 સ્ટાર
કલાકારો : યામી ગૌતમ ધર, પ્રતિક ગાંધી, મુકુલ ચઢ્ઢા, પ્રતિક બબ્બર અને એજાઝ ખાન વગેરે.
લેખક : આદિત્ય ધર, ઋષભ શેઠ અને આર્શ વોહરા
નિર્દેશક : ઋષભ શેઠ
નિર્માતા : આદિત્ય ધર
ઓટીટી પ્લેટફોર્મ : નેટફ્લિક્સ
