રૂ.૭૭ હજારની રોકડ સાથે , મહિલા સહિત ૧૩ ઝડપાયા
Jasdanતા.31
રાજકોટ જિલ્લામાં બે સ્થળે જુગારના દરોડા પાડવામાં આવ્યા છે. જેમાં વિછીયાના ભડલી ગામની સીમમાં અને કનેસરા ગામની સીમમા પોલીસે જુગારના દરોડા પાડી , જુગાર રમતી મહિલા સહિત ૧૩ પતા પ્રેમીઓને ઝડપી લઇ, જુગારના પટમાંથી રૂ.૭૭ હજારની રોકડ કબજે કરી છે.પોલીસ સુત્રો પાસેથી મળતી માહિતી મુજબ, જસદણ પોલીસ ટીમ પેટ્રોલિંગમાં હતી તે દરમિયાન બાતમી મળી હતી કે , વિછીયા તાલુકાના ભડલી ગામની સીમમાં ઝ જુગાર રમાઈ રહ્યો છે. બાતમીના આધારે જુગારનો દરોડો પાડી, કિશોર કરસનભાઈ વાળા, મહેશ ડાયાભાઈ જીડીયા, મહેશ રમેશભાઈ જાદવ, સાગર લાલજીભાઈ ઝાપડિયા, હરસુર કેશાભાઈ બેરાણી, લાલજી બચુભાઈ સાકરીયા, રામ ઘોઘાભાઈ જોગરાણા, વિપુલ માવજીભાઈ રાઠોડ અને ગુલાબબેન વિક્રમભાઈ ખવડને જસદણ પોલીસે ઝડપી લઇ, જુગારના પટમાંથી પરિવારને રૂ. ૬૪. ૪૦૦ની રોકડ કબજે કરી છે. જ્યારે બીજો જુગારનો દરોડો ભાડલા પોલીસે ગણેશા ગામની સીમમાં પાડી, જુગાર રમતો કાનજી ઉર્ફે કાનો રમેશભાઈ કુકડીયા, ભાવેશ રણછોડભાઈ હાંડા, પ્રવીણ ધીરુભાઈ કુકડીયા, ચતુર છગનભાઈ કુકડીયા અને ભોળા લઘરાભાઈ બાવળિયા નામના શખ્સોને ઝડપી લઇ, રૂ ૧૩ હજારની રોકડ કબ્જે કરી છે.
