Kolkata તા.4
અભિષેક શર્મા (48), ટ્રેવિસ હેડ (46) અને હેનરિક ક્લાસેન (52) ની જોરદાર બેટિંગ સાથે સનરાઇઝર્સ હૈદરાબાદે 226/8નો મોટો સ્કોર બનાવ્યો. પાવરપ્લેમાં જ 80+ રન બનાવીને ટીમે IPLમાં સૌથી મોટા સ્કોર તરફ પગલું ભર્યું.
કોલકાતા નાઈટ રાઇડર્સ તરફથી બ્લેસિંગ મુઝારાબાની (4/41) એ શાનદાર બોલિંગ કરી અને ટીમને 250 પાર જવાથી અટકાવી.જવાબમાં કોલકાતા 161 રનમાં ઓલઆઉટ થઈ ગઈ.યજમાન ટીમ માટે યુવા અંગકૃષ રઘુવંશી (52)એ બીજી આકર્ષક ઇનિંગ રમી.
નીતિશ કુમાર રેડ્ડી એ 39 રન અને 2/17ના ઓલરાઉન્ડ પ્રદર્શનથી પ્લેયર ઓફ ધ મેચ બન્યો.સનરાઇઝર્સ માટે જયદેવ ઉનડકટ એ 3 વિકેટ લઈને જીતમાં મહત્વપૂર્ણ ભૂમિકા ભજવી.
અગાઉ,સ્ટ્રાઈક પર આવેલા ટ્રેવિસ હેડ પહેલા ત્રણ બોલમાં રન બનાવી શક્યાં નહીં. વૈભવ અરોરાના ચોથા બોલ પર તેમણે અને ટીમે એક સિંગલ રન બનાવીને પોતાનું ખાતું ખોલ્યું. પહેલી ઓવરમાં ફક્ત 6 રન બન્યા હતા અને કોલકાતાની શરૂઆત સારી લાગી રહી હતી.
પરંતુ પછી બ્લેસિંગ મુઝારાબાનીનો ઓવર આવ્યો, જ્યાં હેડ અને અભિષેકે કાબુ ગુમાવ્યો. મુઝારાબાનીના ઓવરમાં 16 રન આપ્યા બાદ, હેડે એકલા વૈભવની આગામી ઓવરમાં 21 રન આપ્યા.
આ બેકાબૂ જોડીને દૂર કરવા માટે, કેપ્ટન રહાણેએ સુનિલ નારાયણને સ્પિન આક્રમણમાં સામેલ કર્યો. નારાયણે ઓવરમાં ફક્ત ત્રણ રન આપ્યા. 15 થી વધુ રન રેટ સ્કોર કરતી આ જોડી છઠ્ઠી ઓવરમા હેડ (46 રન, 21 બોલ, 6 ચોગ્ગા, 3 છગ્ગા) આઉટ થયા. જોકે, ત્યાં સુધીમાં 82 રન બોર્ડ પર આવી ગયા હતા, જેણે મોટા સ્કોર માટે મજબૂત પાયો નાખ્યો.
