JAMNAGAR,તા ૨૯,
જામનગર શહેર તેમજ જામજોધપુરમાં ગઈકાલે પોલીસે વર્લી મટકા તેમજ ચલણી નોટો પર જુગાર અંગેના જુદા જુદા પાંચ દરોડા પાડી કુલ સાત શખ્સોને ઝડપી લઈ તેઓ પાસેથી રોકડ રકમ સહિતનો મુદામાલ કબ્જે કર્યો છે.
જામનગર નજીકના બેડી વિસ્તારમાં જાહેરમાં વર્લી મટકાના આંકડા લેતો અયુબ જેડા વાઘેર નામના શખ્સને પોલીસે ઝડપી લઈ તેની પાસેથી રોકડ રૂા. ૭૩૦ કબ્જે કર્યા છે. જ્યારે શહેરના વિકટોરિયા પુલ, નાગેશ્વર જવાના રસ્તે, નદીના પટમાં જાહેરમાં ચલણી નોટો પર એકી–બેકીનો જુગાર રમતા ઝાકીર કાસમ દરજાદા અને જેઠાભાઈ નારણભાઈ મકવાણાને ઝડપી લઈ તેઓ પાસેથી રોકડ રૂા. પ૭૦ કબ્જે કર્યા છે. તેમજ શહેરના દરબારગઢ પાસે ફુલવાળાવાળી ગલીમાં ચલણી નોટો પર જુગાર રમતા સંજય ધરમશી સોરઠિયા અને દિનેશ નટવરલાલ ચૌહાણ નામના બે શખ્સોને ઝડપી લઈ તેઓ પાસેથી રોકડ રૂા. ર૯૦ કબ્જે કર્યા છે.
આ ઉપરાંત જામજોધપુર ખાતે ટાઉનબીટ વિસ્તારમાં વર્લી મટકાના આંકડા લેતા હાર્દિક રસિકભાઈ વાઢેર નામના શખ્સને પોલીસે ઝડપી લઈ તેની પાસેથી રૂા. ૧ર૦ સહિતનો મુદામાલ કબ્જે કર્યો છે. આ ઉપરાંત જામજોધપુર ખાતે ટાઉનબીટ વિસ્તારમાં બહુચરાજી મંદિર પાસે વર્લી મટકાના આંકડા લેતો સોહિલ ઉર્ફે નાડી મામદભાઈ રાવકરડા નામના શખ્સને પોલીસે ઝડપી લઈ તેના પાસેથી રૂા. ૧૪૦ કબ્જે કર્યા છે.
