કોલકાતાની એક હોસ્પિટલમાં લેડી ડોક્ટર પર દુષ્કર્મ અને હત્યાની ઘટનાએ સમગ્ર દેશને હચમચાવી દીધો છે
Karnataka, તા.૨૩
કોલકાતા બાદ હવે કર્ણાટકના ચિક્કાબલ્લાપુર જિલ્લાની સરકારી હોસ્પિટલમાં એક વ્યક્તિએ ૬૫ વર્ષની મહિલા દર્દી પર દુષ્કર્મ ગુજાર્યો છે. આ ઘટના બુધવારે રાત્રે ૨ વાગ્યાની આસપાસ જણાવવામાં આવી રહી છે. જો કે હોસ્પિટલમાં હાજર લોકોએ આરોપીને પકડીને પોલીસને હવાલે કર્યો હતો.કહેવાય છે કે હોસ્પિટલના ઓક્સિજન પ્લાન્ટ પાસે ૬૫ વર્ષની એક મહિલા મોડી રાત્રે સૂતી હતી. ત્યારપછી એક વ્યક્તિ ત્યાં આવ્યો અને મહિલા પર દુષ્કર્મ કરવા લાગ્યો. આ દરમિયાન મહિલા ચીસો પાડવા લાગી. પીડિતાનો અવાજ સાંભળીને હોસ્પિટલમાં હાજર લોકો ત્યાં પહોંચી ગયા અને મહિલાને તે બદમાશના ચુંગાલમાંથી બચાવી લીધી.મહિલાને સુરક્ષિત કર્યા બાદ લોકોએ આરોપીને પકડી લીધો. જે બાદ પોલીસને ઘટનાની જાણ કરવામાં આવી હતી. પોલીસે ત્યાં પહોંચીને આરોપીની ધરપકડ કરી હતી. પોલીસના જણાવ્યા અનુસાર મહિલા ચિંતામણીના બહારના વિસ્તારમાંથી હોસ્પિટલમાં સારવાર માટે આવી હતી. સારવારમાં વિલંબને કારણે તેણે હોસ્પિટલમાં જ રહેવાનું નક્કી કર્યું.જ્યારે મહિલા સૂઈ રહી હતી ત્યારે ઈરફાન નામના ૨૫ વર્ષના યુવકે મહિલા પર દુષ્કર્મ કર્યો હતો. ઈરફાન ચિંતામણિનો રહેવાસી છે. તે રોજીરોટી મજૂર તરીકે કામ કરે છે. તે પણ હોસ્પિટલમાં સારવાર માટે આવ્યો હતો. અહીં મહિલાને એકલી જોઈને તેણે તેની સાથે દુષ્કર્મ શરૂ કર્યો. આરોપીની ધરપકડ કરવામાં આવી છે. પીડિતાને હોસ્પિટલમાં સારવાર આપવામાં આવી રહી છે.
