83.76 લાખના ખર્ચે સરકારી પ્રાથમિક શાળા નુ અધ્યતન નૂતન બિલ્ડીંગ
વડિયા,તા.23
સમગ્ર રાજ્યમાં શિક્ષણની ગુણવત્તા સુધારણા માટે તેને જરૂરી માળખાકીય સુવિધાઓ ઉપલબ્ધ કરાવવા માટે સરકાર પ્રયત્નશીલ છે ત્યારે અમરેલી જિલ્લા ના છેવાડાના તાલુકા મથક એવા વડિયા માં આવેલી મોંઘીબા પે સેન્ટર શાળા ના અધ્યતન બિલ્ડીંગ બનાવવા માટે રાજ્ય સરકાર દ્વારા 83.76 લાખ જેવી માતબર રકમની જોગવાઈ કરવામાં આવતા આ અધ્યતન બિલ્ડીંગની કામગીરી કરવા શરુ કરવા અમરેલી વિધાનસભા ના ધારાસભ્ય અને ગુજરાત વિધાનસભા ના નાયબ મુખ્ય દંડક કૌશિક વેકરીયા ના હસ્તે ખાતમુર્હત કરવામાં આવ્યુ હતુ આ કાર્યક્રમ માં જિલ્લા પંચાયત સદસ્ય વિપુલ રાંક,તાલુકા ભાજપ પ્રમુખ ગોપાલ અંટાળા, તાલુકા ભાજપ મહામંત્રી શૈલેષ ઠુંમર,ભાજપ અગ્રણી છગન ઢોલરીયા, તુષાર ગણાત્રા, તુષાર વેગડ, ચેતન દાફડા સહીત ના સ્થાનિક આગેવાનો તથા મોંઘીબા પે સેન્ટર શાળા પરિવારના કર્મચારીઓ, વિદ્યાર્થીઓ અને સ્થાનિક વાલીઓ જોડાયો હતો. આ નૂતન બિલ્ડીંગ નિર્માણ પામતા વડિયા ના સરકારી પ્રાથમિક શાળામાં અભ્યાસ કરતા બાળકોને અધ્યતન સુવિધાઓ સાથે નુ બિલ્ડીંગ પ્રાપ્ત થશે સાથે ટેક્નોલોજી યુક્ત શિક્ષણ અમલમાં આવતા શિક્ષણની ગુણવતા પાણ સુધરશે.
