Melbourne,તા.૨૭
મેલબોર્ન ક્રિકેટ ગ્રાઉન્ડ ખાતે રમાઈ રહેલી ચોથી એશિઝ ટેસ્ટના પહેલા દિવસે ક્રિકેટ ઇતિહાસમાં એક અનોખો અને આશ્ચર્યજનક નજારો જોવા મળ્યો. પ્રથમ દિવસે કુલ ૨૦ વિકેટ પડી, બે ઇનિંગ્સનો અંત આવ્યો. આનાથી મેચ રોમાંચક બની ગઈ છે, પરંતુ ચાહકો અને ક્રિકેટ પંડિતો પિચની ભારે ટીકા કરી રહ્યા છે. ટોસ જીત્યા પછી, ઇંગ્લેન્ડે બોલિંગ કરવાનું પસંદ કર્યું અને ઓસ્ટ્રેલિયાને ૧૫૨ રનમાં ઓલઆઉટ કરી દીધું. આમ છતાં, ઇંગ્લેન્ડ ફક્ત ૧૧૦ રન જ બનાવી શક્યું, જેના કારણે ઓસ્ટ્રેલિયાને પ્રથમ ઇનિંગ્સમાં ૪૨ રનની લીડ મળી. દિવસની રમત પછી, ઇંગ્લેન્ડના ભૂતપૂર્વ કેપ્ટન કેવિન પીટરસનના પિચ વિશે પ્રશ્નો ઉઠાવ્યા.
પીટરસને આ મેચમાં પિચ પર જોરદાર સવાલ ઉઠાવ્યા અને ભારતને ઉદાહરણ તરીકે ટાંકીને ઠ (અગાઉ ટિ્વટર) પર લખ્યું, “જ્યારે પણ ભારતીય પિચ પર ટેસ્ટ મેચના પહેલા દિવસે વિકેટ પડે છે, ત્યારે ભારત હંમેશા કઠેડામાં મુકાય છે. તેથી મને આશા છે કે આ વખતે ઓસ્ટ્રેલિયન પિચ વિશે પણ આવી જ તપાસ અને પ્રશ્નો ઉભા થશે. છેવટે, ન્યાયીપણું હોવું જોઈએ. દરેક માટે સમાન નિયમો હોવા જોઈએ.” પીટરસનના નિવેદનથી પિચની નિષ્પક્ષતા અને ૈંઝ્રઝ્રના બેવડા ધોરણો અંગે ચર્ચા શરૂ થઈ છે.
ઓસ્ટ્રેલિયાએ બીજી ઇનિંગમાં ૧૩૨ રન બનાવ્યા હતા. ટીમ પાસે પહેલાથી જ ૪૨ રનની લીડ હતી. આ કુલ સ્કોર ઉમેરતા, ઇંગ્લેન્ડ સામે ૧૭૫ રનનો લક્ષ્યાંક છે. આ ઐતિહાસિક દિવસ (જ્યારે ૨૦ વિકેટ પડી હતી) જોવા માટે ૯૪,૧૯૯ દર્શકો સ્ઝ્રય્ ખાતે એકઠા થયા હતા, જે ક્રિકેટ ઇતિહાસનો સૌથી મોટો સિંગલ-ડે ભીડ હતો. અગાઉ, આ રેકોર્ડ ૨૦૧૫ના વર્લ્ડ કપ ફાઇનલ (૯૩,૦૧૩) ના નામે હતો. ઇંગ્લેન્ડે પહેલી ત્રણ ટેસ્ટ હારી ગઈ, જેના કારણે ઓસ્ટ્રેલિયા ફક્ત ૧૧ દિવસમાં એશિઝ શ્રેણી જીતી શક્યું. આ ટેસ્ટ હવે સન્માન અને રેકોર્ડ માટેનો યુદ્ધ બની ગયો છે.
