Oval,તા.૨
ભારત અને ઇંગ્લેન્ડ વચ્ચે ટેસ્ટ શ્રેણીની પાંચમી અને અંતિમ મેચ લંડનના કેનિંગ્ટન ઓવલ મેદાન પર રમાઈ રહી છે. ટીમ ઈન્ડિયાના ઓપનિંગ બેટ્સમેન કેએલ રાહુલે આ આખી શ્રેણીમાં શાનદાર બેટિંગ કરી. આ પાંચ મેચની ટેસ્ટ શ્રેણીમાં, તે ૫૦૦ થી વધુ રન બનાવવામાં સફળ રહ્યો, પરંતુ તે સુનીલ ગાવસ્કરનો મોટો રેકોર્ડ તોડવામાં ૧૦ રનથી ચૂકી ગયો. સુનીલ ગાવસ્કર ઇંગ્લેન્ડમાં ટેસ્ટ શ્રેણીમાં ભારતીય ઓપનર તરીકે સૌથી વધુ રન બનાવવાનો રેકોર્ડ ધરાવે છે. રાહુલ પાસે આ રેકોર્ડ તોડવાની તક હતી, પરંતુ તે તેમ કરી શક્યો નહીં.
કેએલ રાહુલે ઇંગ્લેન્ડ સામેની પાંચ મેચની ટેસ્ટ શ્રેણીમાં ૫૩૨ રન બનાવ્યા. તેણે આ સમગ્ર શ્રેણીમાં યશસ્વી જયસ્વાલ સાથે ટીમ ઇન્ડિયા માટે ઓપનિંગ કરી. સુનીલ ગાવસ્કર ઇંગ્લેન્ડમાં ભારતીય ઓપનર તરીકે ટેસ્ટ શ્રેણીમાં સૌથી વધુ રન બનાવવાનો રેકોર્ડ ધરાવે છે. તેણે ૧૯૭૯ માં ટેસ્ટ શ્રેણીમાં ૫૪૨ રન બનાવ્યા. રાહુલ ગાવસ્કરના આ રેકોર્ડને તોડવાથી માત્ર ૧૧ રન દૂર રહ્યો.
ઇંગ્લેન્ડમાં ટેસ્ટ શ્રેણીમાં સૌથી વધુ રન બનાવનારા ઓપનર્સ
૫૪૨ – સુનીલ ગાવસ્કર, ૧૯૭૯
૫૩૨ – કેએલ રાહુલ, ૨૦૨૫*
૪૦૨ – મુરલી વિજય, ૨૦૧૪
૩૬૮ – રોહિત શર્મા, ૨૦૨૧-૨૨
ઇંગ્લેન્ડ શ્રેણીમાં, કેએલ રાહુલે પાંચ મેચની ૧૦ ઇનિંગ્સમાં ૫૩૨ રન બનાવ્યા છે. આ ટેસ્ટ શ્રેણીમાં સૌથી વધુ રન બનાવવાના સંદર્ભમાં તે બીજા ક્રમે છે. આ દરમિયાન, તેની સરેરાશ ૫૩.૨૦ રહી છે. રાહુલે આ સમયગાળા દરમિયાન ૨ સદીની ઇનિંગ્સ રમી. શુભમન ગિલ ચાલુ ટેસ્ટ શ્રેણીમાં સૌથી વધુ રન બનાવવાનો રેકોર્ડ ધરાવે છે. ભારતીય ટેસ્ટ કેપ્ટને ૫ મેચની ૯ ઇનિંગ્સમાં ૭૪૩ રન બનાવ્યા છે. ગિલને બેટિંગ કરવાની બીજી તક મળશે, જેથી તે પોતાના રનની સંખ્યા વધારી શકે.
ઓવલ ટેસ્ટ મેચની વાત કરીએ તો, ભારતીય ટીમ હાલમાં બીજી ઇનિંગ્સમાં બેટિંગ કરી રહી છે. બીજા દિવસની રમતના અંત સુધીમાં, ટીમ ઈન્ડિયાએ બે વિકેટ ગુમાવીને ૭૫ રન બનાવી લીધા છે. યશસ્વી જયસ્વાલ ૫૧ રન અને આકાશ દીપ ૪ રન સાથે ક્રીઝ પર છે. ટીમ ઈન્ડિયા પાસે હાલમાં ૫૨ રનની લીડ છે. હવે ભારતીય ટીમ અહીંથી ઈંગ્લેન્ડ સામે મોટો લક્ષ્યાંક નક્કી કરવા માંગશે.
