ઓસ્ટ્રેલીયન ટુ-વ્હીલર ઉત્પાદક KTM એ ગુરુવારે ભારતીય બજારમાં તેના તમામ વાહનોના ભાવમાં 15,000 રૂપિયા સુધીનો વધારો કર્યો છે. બધી બાઇકમાં, ‘KTM RC 200’ ની કિંમતમાં સૌથી વધુ 15,000 રૂપિયાનો વધારો થયો છે. જેના કારણે તે તેના હરીફ ‘Yamaha R15 v4’ કરતાં 49,000 રૂપિયા મોંઘી થઈ ગઈ છે.
આ ઉપરાંત, ‘250 Duke’ અને ‘RC 390’ બંનેની કિંમતોમાં 5,000 રૂપિયાનો વધારો થયો છે. નવી કિંમતો અમલમાં આવ્યા પછી, ‘KTM RC 390’ સૌથી મોંઘી બાઇક અને ‘KTM 250 Duke’ સૌથી સસ્તી બાઇક છે.
KTMએ 12 માર્ચે ભારતીય બજારમાં નેકેડ એડવેન્ચર બાઇક ‘390 ડ્યુક’નું અપડેટેડ 2025 મોડેલ લોન્ચ કર્યું હતું. તેને અપડેટેડ ફીચર્સ અને નવા સ્ટીલ્થ ઇબોની બ્લેક કલર વિકલ્પ સાથે રજૂ કરવામાં આવ્યું હતું.
નવી ‘KTM 390 Duke’માં ક્રુઝ કંટ્રોલ અને ક્રોલ ફંક્શન જેવા ફીચર્સનો સમાવેશ કરવામાં આવ્યો છે. અગાઉ, કંપનીએ 2025 KTM 390 એડવેન્ચર બાઇકમાં આ સુવિધાઓનો સમાવેશ કર્યો હતો. તેનાથી હવે ‘390 ડ્યુક’ લાંબી હાઇવે મુસાફરી માટે વધુ આરામદાયક બની છે. આ ઉપરાંત, બાઇકમાં ABS અને ટ્રેક્શન કંટ્રોલ જેવા સેફ્ટી ફીચર્સ ઉપલબ્ધ છે. આ બાઇક ભારતમાં ‘TVS Apache RTR 310’ સાથે સ્પર્ધા કરે છે.
