Dahod, તા.12
દાહોદમાં ગઇ સાંજે બે યુવકો બાઇક લઇને જઇ રહ્યા હતા ત્યારે સિંગવડ તાલુકાના મંડેર ચોકડી પાસે દિપડાએ હુમલો કરતા યુવકોને તાત્કાલિક સારવાર માટે હોસ્પિટલ ખસેડવામાં આવ્યા છે.
તો બે યુવાનો બાઈક લઈને જઈ રહ્યાં હતા તે દરમિયાન હાઈવે વિસ્તાર નજીક અચાનક દીપડાએ હુમલો કરતા એક યુવાનને મોઢાના ભાગે ગંભીર ઈજા થઇ છે બન્ને યુવાનો બાઈક પરથી નીચે પટકાયા હતા.
જે યુવાનોને સારવારે માટે હોસ્પિટલ ખસેડવામાં આવે છે, દીપડાએ હુમલો કરતા સ્થાનિક લોકોમાં ભયનો માહોલ છે અને દીપડાને પકડીને પાંજરે પૂરવામાં આવે તેવી સ્થાનિકો માગ કરી રહ્યાં છે.
ઘટનાની જાણ થતાની સાથે જ વન વિભાગની ટીમ ઘટના સ્થળે પહોંચી હતી અને જે જગ્યા પર દીપડાએ હુમલો કર્યો છે તેની નજીક જંગલ વિસ્તારમાં વન વિભાગે પાંજરૂ ગોઠવ્યું છે.
ગ્રામજનોનું કહેવું છે કે, દીપડો વારંવાર આ વિસ્તારમાં આવે છે અને માણસોને નુકસાન કરી હુમલો પણ કરે છે, તો વન વિભાગ આ બાબતને લઈ થોડું વધુ સતર્ક બને તેવી માગ ઉચ્ચારી છે.
દાહોદ જિલ્લાના સીંગવડ તાલુકાના પાણીવેલા ગામે એક દીપડો નાળામાં મૃત હાલતમાં મળી આવ્યો હતો. સ્થાનિક ગ્રામજનોએ રણધીપુર રેન્જ ફોરેસ્ટ ઓફિસને જાણ કરી હતી. ફોરેસ્ટ વિભાગના અધિકારીઓ તરત જ ઘટના સ્થળે પહોંચ્યા હતા.
પ્રાથમિક તપાસમાં જાણવા મળ્યું કે, દીપડો બે દિવસથી ખાલી પડેલા નાળામાં હતો. અધિકારીઓના મતે, દીપડો કદાચ પાણીની શોધમાં નાળામાં આવ્યો હશે અથવા ઈજાગ્રસ્ત હોવાને કારણે નાળામાં ફસાઈ ગયો હશે.
