New Delhi,તા.27
ભારતના દિગ્ગજ ઉદ્યોગપતિ મુકેશ અંબાણી વિશ્વના સૌથી 10 ધનિકની યાદીમાંથી બહાર થઈ ગયા છે. શ્રી અંબાણીની સંપતિમાં રૂા.1 લાખ કરોડનો ઘટાડો થયો છે અને હુસેન ગ્લોબલ રીચ-2025ની યાદીમાં વિશ્વના ટોચના 10 ધનવાનોમાં તેમનું સ્થાન હવે રહ્યુ નથી.
રીપોર્ટ મુજબ ગત વર્ષની સરખામણીમાં મુકેશ અંબાણી પર કર્જ (લોન-દેવુ) વધવાથી તેની નેટવર્થ ઘટી છે. આ યાદીમાં નંબર-વન સ્થાન પર ટેસ્લાના એલન મસ્ક હજું પણ નંબર વન છે. તેમની સામે અમેરિકા, યુરોપમાં વિરોધ છતા પણ સ્ટારલીંક તથા સ્પેસ એકસની સફળતામાં મસ્કની સંપતિમાં 189 બિલીયન ડોલરનો વધારો થયો છે અને તેઓની કુલ સંપતિ 420 બીલીયન ડોલર થઈ છે.
જો કે મુકેશ અંબાણી હજું પણ ભારત અને એશિયાના સૌથી અમીર વ્યક્તિ બની રહ્યા છે. 61 વર્ષીય મુકેશ અંબાણીની સંપતિ 8.6 લાખ કરોડ રહી છે તો બીજા ક્રમે ગૌતમ અદાણી આવે છે. જેમાં 8.4 બિલિયન રૂપિયાની સંપતિ ધરાવે છે.
મહિલામાં એચસીએલ (કોમ્પ્યુટર-સોફટવેર કંપની) રોશની નાદર દેશમાં 3.5 બિલિયન ડોલરની સંપતિ સાથે પ્રથમ ક્રમે સૌથી ધનવાન મહિલા છે. ભારતની યાદીમાં પ્રથમ પાંચમાં 3 ગુજરાતી છે. જેમાં મુકેશ અંબાણી, ગૌતમ અંબાણીને અજીમ પ્રેમજીનો સમાવેશ થાય છે.
