Jaipur,,તા.૨
મુંબઈ ઈન્ડિયન્સની ટીમે રાજસ્થાન રોયલ્સની ટીમને ૧૦૦ રનથી હરાવી હતી. આ મેચમાં પ્રથમ બેટિંગ કરતા મુંબઈએ કુલ ૨૧૭ રન બનાવ્યા હતા. બાદમાં, મુંબઈએ મજબૂત બોલિંગ પ્રદર્શનને કારણે રાજસ્થાનને ૧૧૭ રનમાં રોકી દીધું. રોહિત શર્મા, રાયન રિકેલ્ટન, જસપ્રીત બુમરાહ, કર્ણ શર્મા અને ટ્રેન્ટ બોલ્ટે ટીમ માટે શાનદાર પ્રદર્શન કર્યું અને ટીમની જીતમાં મહત્વપૂર્ણ ભૂમિકા ભજવી.
રાજસ્થાન રોયલ્સ સામે જીત નોંધાવ્યા બાદ, મુંબઈ ઈન્ડિયન્સ પોઈન્ટ ટેબલમાં ટોચ પર પહોંચી ગયું છે અને પ્લેઓફ તરફ આગળ વધી રહ્યું છે. હાર્દિક પંડ્યાની કેપ્ટનશીપમાં ટીમ સારું પ્રદર્શન કરી રહી છે. મુંબઈએ ચાલુ સિઝનમાં સતત છઠ્ઠી મેચ જીતી છે. હાલમાં ટીમના બોલરો અને બેટ્સમેન શાનદાર ફોર્મમાં છે.
મુંબઈ ઈન્ડિયન્સની વર્તમાન સિઝનમાં શરૂઆત સારી રહી ન હતી કારણ કે તેઓ ચેન્નાઈ સુપર કિંગ્સ અને ગુજરાત ટાઇટન્સ સામેની પહેલી બે મેચ હારી ગયા હતા. પછી ધીમે ધીમે ટીમે લય પકડ્યો અને સતત ૬ મેચ જીતી. જ્યારે પણ મુંબઈની ટીમે આઇપીએલ સીઝનમાં સતત પાંચ કે તેથી વધુ મેચ જીતી છે, ત્યારે તેઓ ૨૦૦૮ સિવાય, ફાઇનલમાં પહોંચ્યા છે.
આ સિઝનમાં પણ મુંબઈની ટીમે સતત ૬ મેચ જીતી છે અને પોઈન્ટ ટેબલમાં પણ ટોચ પર છે. આવી સ્થિતિમાં, તે નિશ્ચિત લાગે છે કે તે ક્વોલિફાયર-૧ રમશે અને તેમાં જીત મેળવીને, તે સરળતાથી ફાઇનલમાં પહોંચી શકે છે.
૨૦૦૮માં એ
૨૦૧૭ માં એ
૨૦૨૫ માં એ*
ફાઇનલમાં મુંબઈ ઇન્ડિયન્સનો રેકોર્ડ મજબૂત છે.
જો મુંબઈ ઈન્ડિયન્સની ટીમ ક્વોલિફાયર-૧ રમીને ફાઇનલમાં પહોંચે છે, તો તેની ટાઇટલ જીતવાની શક્યતા વધી જશે, કારણ કે મુંબઈની ટીમ અત્યાર સુધીમાં છ વખત આઇપીએલ ફાઇનલમાં પહોંચી છે, જેમાંથી તેણે પાંચ વખત ટાઇટલ જીત્યું છે. મુંબઈ છેલ્લે ૨૦૧૦ માં આઇપીએલ ફાઇનલ હારી ગયું હતું. ત્યારથી ટીમ આઇપીએલ ફાઇનલ હાર્યું નથી. ફાઇનલ જેવી મોટી મેચોમાં મુંબઈનું પ્રદર્શન અલગ સ્તરનું છે.
