રોકાણકાર મિત્રો, આનંદ ને…!! તા.૨૧.૧૦.૨૦૨૪ ના રોજ…
બીએસઇ સેન્સેક્સ :- ઇન્ટ્રા ડે ટ્રેડીંગની શરૂઆતે બીએસઇ સેન્સેક્સ આગલા બંધ ૮૧૨૨૪ સામે ૮૧૭૭૦ પોઈન્ટના મથાળેથી ખુલીને નફારૂપી વેચવાલી દ્વારા ૮૦૮૧૧ પોઈન્ટના નીચા મથાળે જોવા મળેલ. સેન્સેક્સ આધારિત શેરોમાં તબક્કાવાર વેચવાલીનો માહોલ જોવા મળ્યો….દિવસ દરમ્યાન સરેરાશ ૯૫૯ પોઈન્ટની મુવમેન્ટ નોંધાવી ભારતીય શેરબજારનો સેન્સેક્સ ૭૩ પોઈન્ટના ઘટાડા સાથે ૮૧૧૫૧ પોઈન્ટ બંધ થયેલ..!!!
નિફ્ટી ફ્યુચર :- ઇન્ટ્રા ડે ટ્રેડીંગની શરૂઆતે નિફ્ટી ફ્યુચર આગલા બંધ ૨૪૯૪૯ સામે ૨૪૯૭૫ પોઈન્ટના મથાળેથી ખુલીને સ્ટોક સ્પેશીફીક ઘટાડો નોંધાવી ૨૪૭૨૨ પોઈન્ટના નીચા મથાળા સુધી જોવા મળેલ. નિફ્ટી ફ્યુચર આધારિત શેરોમાં તબક્કાવાર વેચવાલીનો માહોલ જોવા મળ્યો…સરેરાશ ૩૦૮ પોઈન્ટની મુવમેન્ટ નોંધાવી નિફ્ટી ફ્યુચર ૧૬૦ પોઈન્ટના ઘટાડા સાથે ૨૪૭૮૮ પોઈન્ટ બંધ થયેલ..!!!
સ્થાનિક / વૈશ્વિક પરિબળોની વાત કરીએ તો…
સોમવારે શેરબજારમાં વોલેટિલિટી જોવા મળી હતી. શેરબજારમાં વેચવાલીનું પ્રેશર વધુ જોવા મળતાં સપ્તાહના પ્રથમ દિવસે ઘટાળો નોંધાયો છે.વૈશ્વિક બજારોમાં ચાઈનાની અનિશ્ચિતતા વચ્ચે નરમાઈ રહી હતી.સેન્સેક્સ, નિફટીમાં આજે ઓટો, કન્ઝયુમર ડયુરેબલ્સ, મેટલ, ફાર્મા, બેંકિંગ, ઓઈલ-ગેસ શેરોમાં મોટું ઓફલોડિંગ થવા સાથે સ્મોલ,મિડ કેપ શેરોમાં ઈન્વેસ્ટરો વેચવાલ બનતાં માર્કેટબ્રેડથ ફરી નબળી પડી હતી.સેન્સેક્સ ૭૩ પોઈન્ટના ઘટાળા સાથે ૮૧૧૫૧ પોઈન્ટના સ્તરે બંધ થયો છે,જ્યારે નિફ્ટી ફ્યુચર ઈન્ડેક્સ ૧૬૦ પોઈન્ટના ઘટાળા સાથે ૨૪૭૮૮ પોઈન્ટના સ્તરે બંધ થયો છે.જ્યારે બેન્ક નિફ્ટી ફ્યુચર ઈન્ડેક્સ ૨૭૦ પોઈન્ટના ઘટાળા સાથે ૫૨૦૪૦ પોઈન્ટના સ્તરે બંધ થયો.
કન્ઝયુમર ડયુરેબલ્સ કંપનીઓના શેરોમાં પણ ફંડોએ મોટું ઓફલોડિંગ કર્યું હતું.બેંકિંગ શેરોમાં એકંદર વેચવાલી રહી હતી.હેલ્થકેર-ફાર્માસ્યુટિકલ્સ કંપનીઓના શેરોમાં ફંડોએ પ્રોફિટ બુકિંગ કર્યું હતું. કેપિટલ ગુડઝ શેરોમાં પણ ફંડોના પ્રોફિટ બુકિંગે વ્યાપક નરમાઈ રહી હતી.એફએમસીજી કંપનીઓના શેરોમાં નફારૂપી વેચવાલી થઈ હતી.સેન્સેક્સ,નિફટીમાં સતત ઘટાડા સાથે સ્મોલ,મિડ કેપ શેરોમાં મોટાપાયે સેલિંગ થતાં અનેક શેરોના ભાવો તૂટતાં રોકાણકારોની સંપતિ એટલે કે બીએસઈમાં લિસ્ટેડ કંપનીઓનું એક્ત્રિત માર્કેટ કેપિટલાઈઝેશન પણ ઘટાળો થયો હતો.
નાણાકીય વર્ષ ૨૦૨૪ માટે અમેરિકાની બજેટ ખાધ વધીને ૧.૮૩૩ ટ્રિલિયન ડોલર છે,જે કોરોના મહામારી બાદની સૌથી વધુ છે. દેશના દેવા પર વ્યાજની ચૂકવણી જ ૧ ટ્રિલિયન ડોલર કરતા વધુ થતા કુલ બજેટ ખાધમાં રેકોર્ડ વધારો થયો છે. આ સિવાય સામાજિક સુરક્ષા રિટાયરમેન્ટ કાર્યક્રમ, હેલ્થકેર અને સૈન્ય માટે ખર્ચમાં વધારો થતા બેલેન્સશીટ પર દબાણ વધ્યું હતુ.યુએસ ટ્રેઝરી ડિપાર્ટમેન્ટના રિપોર્ટ અનુસાર ૩૦ સપ્ટેમ્બરના રોજ પૂરા થયેલા વર્ષ માટેની ખાધ નાણાકીય વર્ષ ૨૦૨૩માં નોંધાયેલ ૧.૬૯૫ ટ્રિલિયન ડોલરથી ૮ ટકા અથવા ૧૩૮ અબજ ડોલર વધુ રહી છે. બજેટ ખાધનો આ આંકડો અમેરિકાના ઈતિહાસની ત્રીજી સૌથી મોટી ફેડરલ ખાધ હતી.
આજના કારોબારમાં ટોપ ગેનર્સમાં એશિયન પેઈન્ટ્સ,મહિન્દ્રા એન્ડ મહિન્દ્રા,ટીવીએસ મોટર્સ,ટાટા કેમિકલ્સ,ઓબેરોઈ રીયાલીટી,ટેક મહિન્દ્રા,એચડીએફસી બેન્ક,અપોલો ટાયર જેવા શેરો વધારો થયો છે.આજના ટોપ લુઝર્સની યાદીમાં ટીસીએસ,ડીવીસ લેબ,ઈન્ડીગો,ગ્રાસીમ,ટોરેન્ટ ફાર્મા,મુથૂટ ફાઈનાન્સ,સન ફાર્મા,અદાણી પોર્ટસ,વોલ્ટાસ,એક્સીસ બેન્ક,સિપ્લા,ઈન્ફોસીસ,લ્યુપીન,ટાટા મોટર્સ,ડીએલએફ,સન ટીવી જેવા શેરોમાં ઘટાળો થયો છે.
બીએસઈમાં કુલ ટ્રેડીંગ થયેલી ૪૧૭૫ સ્ક્રિપોમાંથી ઘટનારની સંખ્યા ૨૯૧૪ અને વધનારની સંખ્યા ૧૧૨૩ રહી હતી, ૧૩૮ શેરના ભાવમાં કોઈ ફેરબદલ જોવાયો ન હતો.જ્યારે ૦૬ શેરોમાં ઓનલી સેલરની મંદીની નીચલી સર્કિટ સામે ૦૯ શેરોમાં ઓનલી બાયરની તેજીની ઉપલી સર્કિટ રહી હતી.
બજારની ભાવિ દિશા….મિત્રો,ફોરેન પોર્ટફોલિયો ઈન્વેસ્ટરો (એફપીઆઈઝ)ની શેરોમાં ઓકટોબર મહિનામાં અત્યાર સુધીમાં રૂ.૮૦,૦૦૦ કરોડ જેટલી જંગી ચોખ્ખી વેચવાલીના પરિણામે આવેલું કરેકશન હવે અઠવાડિયાના અંતે અટકતું જોવાયું છે. વિદેશી ફંડોની વેચવાલી સામે લોકલ ફંડો, સંસ્થાકીય રોકાણકારોની સતત ખરીદી સપ્તાહના અંતે પણ જળવાઈ શેરોમાં તેજીનો ચમકારો જોવાયો છે. આ સાથે ઓટો જાયન્ટ હ્યુન્ડાઈ મોટર ઈન્ડિયાનો આઈપીઓ મોટી પ્રવાહિતા બજારમાંથી લઈ જતાં સપ્તાહ દરમિયાન એકંદર જોવાયેલી નિરસતા અંતે આ આઈપીઓની નૈયા ક્યુઆઈબીઝના સહારે પાર પડતાં સેકન્ડરી બજારમાં પણ ફરી તેજીનો સળવળાટ થતો જોવાયો છે. કંપનીઓના પરિણામો એકંદર મિશ્ર ટ્રેન્ડ બતાવી રહ્યા હોઈ બજારમાં સ્ટોક સ્પેસિફિક મુવમેન્ટ જોવાઈ છે. જીઓપોલિટીકલ ડેવલપમેન્ટ, ચાઈનાના સંભવિત પેકેજ અને ક્રુડ ઓઈલના ફરી તૂટતાં ભાવો, કોર્પોરેટ પરિણામો પર નજરે આગામી દિવસોમાં સેન્સેક્સ અને નિફટી ફ્યુચરમાં અફડા – તફડી જોવાઈ શકે છે.વૈશ્વિક પ્રવાહો,જીઓપોલિટીકલ ટેન્શન અને કંપનીઓના કોર્પોરેટ પરિણામો તેમજ ચૂંટણીઓમાં પર ભારતીય બજારોની આગામી દિવસોમાં નજર રહેશે.
તા.૨૨.૧૦.૨૦૨૪ ના રોજ સ્ટોક માર્કેટ ટ્રેડીંગ સંદર્ભે…
- તા.૨૧.૧૦.૨૦૨૪ ના રોજ નિફટી ફ્યુચર બંધ ભાવ @ ૨૪૭૮૮ પોઈન્ટ :- આગામી સંભવિત નિફ્ટી ફ્યુચર ૨૪૬૦૬ પોઈન્ટના પ્રથમ અને ૨૪૫૭૦ પોઈન્ટના અતિ મહત્વના સ્ટ્રોંગ સ્ટોપલોસે ટ્રેડીંગ સંદર્ભે ૨૪૮૦૮ પોઈન્ટ થી ૨૪૮૩૮ પોઈન્ટ, ૨૪૯૩૯ પોઈન્ટની અતિ મહત્વની સપાટીને સ્પર્શી શકે તેવી સંભાવના ધરાવે છે. નિફ્ટી ફ્યુચરમાં ૨૪૫૭૦ પોઈન્ટ આસપાસ સાવધાનીપૂર્વક પોઝિશન બનાવવી….!!!
- તા.૨૧.૧૦.૨૦૨૪ ના રોજ બેન્ક નિફ્ટી ફ્યુચર બંધ ભાવ @ ૫૨૦૪૦ પોઈન્ટ :- આગામી સંભવિત બેન્ક નિફ્ટી ફ્યુચર ૫૧૬૭૬ પોઈન્ટ પ્રથમ અને ૫૧૬૦૬ પોઈન્ટના અતિ મહત્વના સ્ટ્રોંગ સ્ટોપલોસે ટ્રેડીંગ સંદર્ભે ૫૨૦૮૮ પોઈન્ટ થી ૫૨૧૮૮ પોઈન્ટ૫,૫૨૩૦૩ પોઈન્ટની અતિ મહત્વની સપાટીને સ્પર્શી શકે તેવી સંભાવના ધરાવે છે. બેન્ક નિફ્ટી ફ્યુચરમાં ૫૧૬૦૬ પોઈન્ટ આસપાસ સાવધાનીપૂર્વક પોઝિશન બનાવવી….!!!
હવે જોઈએ અંગત અભિપ્રાયરૂપી ફ્યુચર સ્ટોક…
- એસીસી લીમીટેડ ( ૨૩૦૨ ) :- અદાણી ગ્રુપની અગ્રણી આ કંપનીના શેરનો ભાવ હાલમાં રૂ.૨૨૭૩ આસપાસ પ્રવર્તી રહ્યો છે. રૂ.૨૨૬૦ ના સ્ટોપલોસથી ખરીદવાલાયક આ સ્ટોક ટૂંકા સમયગાળે રૂ.૨૨૩૩ થી રૂ.૨૩૪૦ નો ભાવ નોંધાવે તેવી શક્યતા છે…!! રૂ.૨૩૫૦ ઉપર તેજી તરફી ધ્યાન…!!
- કોટક મહિન્દ્રા બેન્ક ( ૧૭૮૩ ) :- ટેકનીકલ ચાર્ટ મુજબ રૂ.૧૭૬૦ આસપાસ પોઝીટીવ બ્રેકઆઉટ…!! રૂ.૧૭૪૪ ના સપોર્ટથી ખરીદવાલાયક આ સ્ટોક રૂ.૧૭૯૭ થી રૂ.૧૮૦૮ ભાવ નોંધાવે તેવી સંભાવના છે…!!
- સિપ્લા લીમીટેડ ( ૧૫૨૨ ) :- રૂ.૧૫૦૩ નો પ્રથમ તેમજ રૂ.૧૪૮૮ બીજા સપોર્ટથી ફાર્માસ્યુટિકલ સેક્ટરનો રોકાણલક્ષી આ સ્ટોક રૂ.૧૫૪૫ થી રૂ.૧૫૬૦ સુધીની તેજી તરફી રુખ નોધાવશે…!!
- ઓરબિંદો ફાર્મા ( ૧૪૬૧ ) :- ફાર્માસ્યુટિકલ સેક્ટરનો આ સ્ટોક ટૂંકા ગાળે ટ્રેડીંગલક્ષી રૂ.૧૪૭૮ થી રૂ.૧૪૯૦ ના ભાવની સંભાવના ધરાવે છે…!! અંદાજીત રૂ.૧૪૩૦ નો સ્ટોપલોસ ધ્યાને લેવો…!!!
- એચડીએફસી લાઈફ ઇન્સ્યુરન્સ ( ૭૪૪ ) :- રૂ.૧૦ ની ફેસવેલ્યુ ધરાવતા ફન્ડામેન્ટલ સ્ટ્રોંગ આ સ્ટોક રૂ.૭૩૦ સ્ટોપલોસ આસપાસ ખરીદવાલાયક લાઈફ ઇન્સ્યુરન્સ સેક્ટરનાઆ સ્ટોકમાં તેજી તરફી રૂ.૭૫૩ થી રૂ.૭૬૦ આસપાસ નફાલક્ષી ધ્યાન ઉત્તમ…!!!
- એચસીએલ ટેકનોલોજી ( ૧૮૩૨ ) :- ટેકનીકલ ચાર્ટ મુજબસ કમ્પ્યુટર્સ – સોફ્ટવેર અને કન્સલ્ટિંગ સેક્ટરનો આ સ્ટોક રૂ.૧૮૫૩ આસપાસ નફારૂપી વેચવાલી થકી રૂ.૧૮૦૮ થી રૂ.૧૭૯૦ ના ટાર્ગેટ ભાવની શક્યતા ધરાવે છે. ટ્રેડીંગલક્ષી રૂ.૧૮૭૦ નો સ્ટોપલોસ ધ્યાને લેવો..!!
- બાટા ઇન્ડિયા ( ૧૪૧૨ ):- રૂ.૧૪૪૭ આસપાસ ઓવરબોટ પોઝીશન નોંધાવતા આ સ્ટોક રૂ.૧૪૫૫ ના સ્ટોપલોસે વેચવાલાયક..!! તબક્કાવાર રૂ.૧૩૯૭ થી રૂ.૧૩૮૦ નો ભાવ દર્શાવે તેવી સંભાવના છે…!! રૂ.૧૪૬૦ ઉપર તેજી તરફી ધ્યાને લેશો…!!
- અદાણી પોર્ટસ ( ૧૩૭૬ ) :- પોર્ટ એન્ડ પોર્ટ સેર્વીસ સેકટરનો આ સ્ટોક છેતરામણા ઉછાળે રૂ.૧૪૦૪ ના સ્ટોપલોસથી વેચાણલાયક…!! પ્રત્યાઘાતી ઘટાડે રૂ.૧૩૬૦ થી રૂ.૧૩૪૪ ના ભાવની સપાટી આસપાસ નફો બુક કરવો…!!
- ઇન્ડસઇન્ડ બેંક ( ૧૩૦૫ ) :- ટેકનીકલ ચાર્ટ મુજબ પ્રાઈવેટ બેન્ક સેક્ટરનો આ સ્ટોક રૂ.૧૩૪૪ આસપાસ નફારૂપી વેચવાલી થકી રૂ.૧૨૮૮ થી રૂ.૧૨૭૪ ના ટાર્ગેટ ભાવની શક્યતા ધરાવે છે. ટ્રેડીંગલક્ષી રૂ.૧૩૫૦ નો સ્ટોપલોસ ધ્યાને લેવો…!!!
- ટાટા મોટર્સ ( ૯૦૩ ) :- રૂ.૯૪૯ આસપાસ ઓવરબોટ પોઝીશન નોંધાવતા આ સ્ટોક રૂ.૯૫૫ ના સ્ટોપલોસે વેચવાલાયક આ સ્ટોક રૂ.૮૮૯ થી રૂ.૮૭૪ નો ભાવ દર્શાવે તેવી સંભાવના છે…!! રૂ.૯૬૦ ઉપર તેજી તરફી ધ્યાને લેશો…!!!
Past Performance is not an Indicator of Future Returns. The securities quoted are for illustration only and are not recommendatory. Investment in securities market are subject to market risks. Read all the related documents carefully before investing.
ખાસ નોંધ : – ડિસ્ક્લેમર / પોલીસી / શરતો www.nikhilbhatt.inને આધીન…!!!
લેખક સેબી રજીસ્ટર્ડ રીસર્ચ એનાલીસ્ટ અને ઇન્વેસ્ટમેન્ટ પોઈન્ટ ના પ્રોપરાઇટર છે.
