વોરંટની બજવણી કરી થોરાળા પોલીસે માથાભારે શખ્સને દબોચી સુરત જેલમાં ધકેલયો
Rajkot,તા.06
શહેર પોલીસ કમિશનરે સપાટો બોલાવી નામચીન શખ્સને પાસા તળે જેલ હવાલે કર્યો છે. શહેરમાં હત્યા સહિત ગુનામાં 10 પોલીસ ચોપડે ચડી ચૂકેલા કેવલ કિશોર સોંદરવા આરોપી નામના શખ્સ સામે પોલીસ કમિશનરે પાસાનુ શસ્ત્ર ઉગામી સુરતની જેલમાં ધકેલવાનો હુકમ કર્યો છે. વધુ વિગત મુજબ શહેરમાં કાયદો અને વ્યવસ્થા જાળવવા અને આર્થિક ગુનાઓ અટકાવવા સામે કડક હાથે કામગીરી કરવા પોલીસ કમિશનર બ્રજેશકુમાર ઝા એ આપેલી સૂચનાને પગલે શહેરના નવા છોરાડા મેઇન રોડ ગુરુ બાલક સાહેબની જગ્યા સામે રહેતો કેવલ કિશોર સોંદરવા નામના સામે યુનિવર્સિટી અને થોરાળા પોલીસ મથકના ચોપડે હત્યા, જીવલેણ હુમલો, મારામારી, લુટ, અપહરણ અને દુષ્કર્મ સહિત 10 ગુનામાં ગુનામાં ચડી ચુક્યો હોવાથી તેની સામે પીસીબી શાખા દ્વારા પાસાની દરખાસ્ત તૈયાર કરી હતી જે દરખાસ્ત પર પોલીસ કમિશનર બ્રજેશ ઝાએ મંજૂરીની મહોર મારતા થોરાળા પોલીસ મથકના સ્ટાફ દ્વારા વોરંટ ની બજવણી કરી કેવલ કિશોર સોંદરવા ની અટકાયત કરી સુરત જેલમાં ધકેલવામાં આવ્યો છે. થોરાળા પોલીસ ઇન્સ્પેકટર એન.જી.વાઘેલા ,પો.સબ.ઇન્સ.એમ.એસ.મહેશ્વરી , એચ.ટી.જીજાળા.હેડ.કોન્સ. ભરતસિંહ પરમાર, ભરતભાઇ ડાભી , પો.કોન્સ. દિવ્યરાજસિંહ જાડેજા પી.સી.બી. શાખાના ઇન્ચાર્જ પોલીસ ઇન્સ્પેકટર એમ.જે.હુણ, પો.સબ.ઇન્સ. પી.બી.ત્રાજીયા , એ.એસ.આઇ. રાજુભાઇ દહેકવાલ તથા પો.હેડ.કોન્સ. ઇન્દ્રજીતસિંહ સીસોદીયા સહિત સ્ટાફે કામગીરી બજાવી હતી
