Dubai તા.25
ઓલરાઉન્ડર હાર્દિક પંડ્યા, રહસ્યમય સ્પિનર વરુણ ચક્રવર્તી અને આક્રમક ઓપનર અભિષેક શર્માએ T20 રેન્કિંગમાં પોતપોતાની શ્રેણીમાં ટોચનું સ્થાન જાળવી રાખ્યું છે.
ઓલરાઉન્ડરની યાદીમાં ટોચ પર રહેનાર પંડ્યા બોલિંગ રેન્કિંગમાં છ સ્થાન ઉપર આવીને 60મા સ્થાને પહોંચી ગયો છે. બુધવારે જાહેર થયેલી યાદીમાં ચક્રવર્તીએ 14 રેટિંગ પોઈન્ટ મેળવીને ટોચ પર પોતાનું સ્થાન વધુ મજબૂત બનાવ્યું છે.
તેના પોઈન્ટ હવે 747 પર પહોંચી ગયા છે. અભિષેકે ઓમાન સામેની મેચમાં ઝડપી 38 રનની ઇનિંગ રમવા ઉપરાંત, પાકિસ્તાનના 171 રનના સ્કોરનો પીછો કરતી વખતે 74 રનની ઇનિંગ પણ રમી હતી.
પાકિસ્તાન સામે 19 બોલમાં અણનમ 30 રન બનાવીને ભારતને લક્ષ્ય સુધી પહોંચવામાં મદદ કરનાર તિલક વર્માએ પણ ત્રણ સ્થાન ઉપર સુધારો કર્યો છે.
