New Delhi,તા.૮
પ્રધાનમંત્રી નરેન્દ્ર મોદીએ ભારત અને વિશ્વના ટોચના વ્યાવસાયિકો સાથે વાતચીત કરી હતી, જેઓ વિઝ્યુઅલ એન્ટરટેઈનમેન્ટ સમિટ (વેવ્સ) સમિટના સલાહકાર બોર્ડનો ભાગ છે. તેમણે અમિતાભ બચ્ચન, દિલજીત દોસાંઝ, રજનીકાંત, શાહરૂખ ખાન, રણબીર કપૂર, ચિરંજીવી, અનિલ કપૂર, અક્ષય કુમાર, અનુપમ ખેર અને એઆર રહેમાન જેવા ફિલ્મી હસ્તીઓ સાથે વર્ચ્યુઅલી વાર્તાલાપ કર્યો. પ્રધાનમંત્રીએ રિલાયન્સ ઇન્ડસ્ટ્રીઝના ચેરમેન મુકેશ અંબાણી, માઇક્રોસોફ્ટના સીઈઓ સત્ય નડેલા, મહિન્દ્રા એન્ડ મહિન્દ્રાના ચેરમેન આનંદ મહિન્દ્રા અને અન્ય ઘણા અગ્રણી ઉદ્યોગપતિઓ સાથે વાતચીત કરી.
ટિ્વટર પર તેમની વાતચીતની એક ઝલક શેર કરતા પ્રધાનમંત્રીએ લખ્યું, ’મનોરંજન, સર્જનાત્મકતા અને સંસ્કૃતિની દુનિયાને એકસાથે લાવતી વૈશ્વિક સમિટ, વેવ્સની સલાહકાર બોર્ડની બેઠક હમણાં જ પૂર્ણ થઈ છે. સલાહકાર બોર્ડના સભ્યો વિવિધ ક્ષેત્રોના કેટલાક શ્રેષ્ઠ સ્ટાર્સ છે જેમણે માત્ર પોતાનો ટેકો જ નથી આપ્યો પરંતુ ભારતને વૈશ્વિક મનોરંજન કેન્દ્ર બનાવવાના અમારા પ્રયાસોને આગળ વધારવા માટે ઘણા અદ્ભુત સૂચનો પણ શેર કર્યા છે. ડિસેમ્બર ૨૦૨૪ માં, પીએમ મોદીએ વર્લ્ડ ઓડિયો વિઝ્યુઅલ એન્ટરટેઈનમેન્ટ સમિટના પ્રારંભની જાહેરાત કરી, તેને ભારતને વિશ્વભરમાં વધુ સારું સ્થાન બનાવવાની દિશામાં એક મહત્વપૂર્ણ પગલું ગણાવ્યું. તેમણે સર્જનાત્મક ક્ષેત્રમાં કામ કરતા યુવાનોને આ સમિટમાં જોડાવા માટે પણ વિનંતી કરી.
આ બેઠકમાં નવીનતા, વૈશ્વિક નેતૃત્વ, ભારતના સાંસ્કૃતિક, તકનીકી પ્રભાવ અને વિશ્વ મંચ પર ભારતની સ્થિતિ સુધારવા અને આગળ વધારવા માટેની વ્યૂહરચનાઓની ચર્ચા કરવામાં આવી હતી. વેવ્સ સમિટ, વિવિધ ક્ષેત્રોના વિચારશીલ નેતાઓને એકસાથે લાવવા માટે જાણીતી છે. તેનો ઉદ્દેશ્ય આંતર-ઉદ્યોગ સહયોગને પ્રોત્સાહન આપવાનો અને ડિજિટલ-સર્જનાત્મક અર્થતંત્રમાં ભારતને આગળ ધપાવવાનો છે.
દરમિયાન, મેગાસ્ટાર ચિરંજીવીને વર્લ્ડ ઓડિયો વિઝ્યુઅલ એન્ટરટેઈનમેન્ટ (વેવ્સ) ના સલાહકાર બોર્ડમાં સામેલ કરવામાં આવ્યા છે. પોતાની પોસ્ટમાં, તેમણે વેવ્ઝના સલાહકાર બોર્ડમાં સામેલ કરવા બદલ વડા પ્રધાન મોદીનો આભાર માન્યો. ચિરંજીવીએ વચન આપ્યું હતું કે તેઓ સાથે મળીને વેવ્સને ભારતની ’સોફ્ટ પાવર’ ને વધુ ઊંચાઈ પર લઈ જવા અને ભારતને વૈશ્વિક સામગ્રી નિર્માણનું કેન્દ્ર બનાવવામાં મદદ કરશે.
