ચેક રિપબ્લિક સ્થિત ઓટોમેકર સ્કોડા ભારતમાં સેડાનથી લઈને એસયુવી સુધીના વાહનોનું વેચાણ કરે છે. કંપની ટૂંક સમયમાં નવી SUV ભારતમાં લાવવાની તૈયારી કરી રહી છે. કયા સેગમેન્ટમાં તે કયા પ્રકારની સુવિધાઓ અને એન્જિન સાથે લોન્ચ થશે? SUV ક્યારે લોન્ચ થશે? બજારમાં કઈ કંપનીની કઈ SUV છે તેને સ્કોડાની નવી SUV પડકાર આપશે.આવો જાણીએ અહેવાલો અનુસાર, કંપની એપ્રિલ 2025 માં સ્કોડા કોડિયાકને નવી SUV તરીકે લોન્ચ કરવાની યોજના ધરાવે છે. જોકે, તેની ઔપચારિક જાહેરાત હજુ બાકી છે.
નવી SUVમાં કંપની દ્વારા ઘણી શાનદાર સુવિધાઓ આપવામાં આવશે. બ્લેક આઉટ ફ્રન્ટ ગ્રીલ ઉપરાંત, તેમાં નવા ડિઝાઇન કરેલા એલોય વ્હીલ્સ, સાઇડ ક્લેડીંગ, LED DRL અને સ્લીક હેડલાઇટ્સ આપવામાં આવશે. પાછળના ભાગમાં C આકારમાં LED લાઇટ્સ આપવામાં આવશે. ઇન્ટિરિયરમાં બ્લેક થીમ અને 13-ઇંચની ઇન્ફોટેનમેન્ટ સિસ્ટમ સાથે 10-ઇંચનું ડિજિટલ ઇન્સ્ટ્રુમેન્ટ ક્લસ્ટર પણ હશે. આ સાથે સેફ્ટી માટે ADASસાથે ઘણી શ્રેષ્ઠ સુવિધાઓ પણ આમાં મળી શકે છે.
અહેવાલો અનુસાર, આ SUV પહેલાની જેમ બે-લિટર ટર્બો એન્જિનથી સજ્જ હશે. જે 190 હોર્સપાવરની સાથે 320 ન્યૂટન મીટર ટોર્ક પ્રદાન કરશે. તે 4X4 અને 7-સ્પીડ DCT ટ્રાન્સમિશન સાથે પણ ઓફર કરવામાં આવશે.
સ્કોડાની નવી SUV તરીકે લોન્ચ થનારી Kodiaq ને D સેગમેન્ટ SUV તરીકે લાવવામાં આવશે. આ સેગમેન્ટમાં, તે ટોયોટા ફોર્ચ્યુનર અને એમજી ગ્લોસ્ટર જેવી એસયુવી સાથે સીધી સ્પર્ધા કરશે.
આ SUV ની ચોક્કસ કિંમત લોન્ચ સમયે જાહેર કરવામાં આવશે. પરંતુ એવી અપેક્ષા છે કે સ્કોડા કોડિયાક લગભગ 40 લાખ રૂપિયાના એક્સ-શોરૂમ ભાવે લોન્ચ થઈ શકે છે. ખાસ વાત એ છે કે આ SUV કંપની દ્વારા જાન્યુઆરી 2025 માં યોજાયેલા ઓટો એક્સ્પોમાં પ્રદર્શિત કરવામાં આવી હતી.
