Mumbai,તા.24
સ્ટાર પાવર, સ્ટાર પર્ફોર્મન્સ, ડિરેક્શન, બીજીએમ અથવા અન્ય કંઈપણ પણ કહો ‘પુષ્પા 2’એ બોક્સ ઓફિસ પર તેની પકડ હજુ ગુમાવી નથી. અલ્લુ અર્જુન, રશ્મિકા મંદન્ના અને ફહદ ફાસીલ અભિનિત આ ફિલ્મે બોક્સ ઓફિસ પર ત્રણ અઠવાડિયા પૂરા કર્યા છે. સેકનિલ્કના તાજેતરનાં અહેવાલ અનુસાર, ત્રીજા સપ્તાહના અંતે આ ફિલ્મે વિશ્વભરમાં રૂ.1500 કરોડનાં ગ્રોસ માર્કમાં ટોચનું સ્થાન મેળવ્યું હતું.
‘પુષ્પા 2’ અને તેનું બોક્સ ઓફિસ કલેક્શન
ભારતમાં ફિલ્મનું ઓપનિંગ ડે કલેક્શન રૂ. 164.25 કરોડ હતું, જેમાં રૂ.તેલુગુમાં 80.3 કરોડ, હિન્દીમાં 70.3 કરોડ, તમિલમાં 7.7 કરોડ, કન્નડમાં 1 કરોડ અને મલયાલમમાં 4.95 કરોડ રૂપિયાની કમાણી કરી હતી. ત્યારપછી એક સપ્તાહની અંદર ફિલ્મે રૂ.725.8 કરોડનું કલેક્શન કર્યું હતું.
આ કલેક્શનમાં તેલુગુમાં રૂ. 242 કરોડ હિન્દીમાં રૂ. 425.1 કરોડ, તમિલમાં રૂ. 41 કરોડ, કન્નડમાં રૂ. 5.3 અને મલયાલમમાં રૂ. 12.4 કરોડની કમાણી કરી હતી. બીજા અઠવાડિયે ફિલ્મ રૂ.1000 કરોડના આંકની નજીક લાવી દીધી હતી. જો આપણે ગ્રોસ કલેક્શન પર આવીએ.
તો ત્રીજા સપ્તાહના અંત સુધીમાં, મૂવીએ ભારતીય બોક્સ ઓફિસ પર લગભગ 1267 કરોડ રૂપિયાનું ગ્રોસ કલેક્શન કર્યું હતું. આ ફિલ્મે અંદાજે રૂ.1506 કરોડનું વિશ્વવ્યાપી કલેક્શન કર્યું છે. ’પુષ્પા 2’ હાલમાં ભારતમાં બીજા નંબરની સૌથી મોટી કમાણી કરનાર ફિલ્મ છે, અત્યાર સુધીમાં પ્રથમ 1416 કરોડ સાથે ’બાહુબલી 2’ છે.
