Surendaranagar તા.23
ચુડા તાલુકાના ભૃગુપુર ગામે એક કાર માંથી વિદેશી દારૂની 8 બોટલો તથા 8 બીયર ના ટીન એલ.સી.બી ટીમે ઝડપી પાડયા હતાં. અને દારૃ તથા બીયર નો જથ્થો અને કાર મળીને કુલ રૂપિયા 61 હજાર નો મુદામાલ પોલીસે કબ્જે કરી કાર ચાલક વિરૂઘ્ધ ગુનો નોંધ્યો હતો.
સુરેન્દ્રનગર એલ.સી.બી ટીમ દ્વારા ચુડા પોલીસ સ્ટેશન વિસ્તારમાં પેટ્રોલીંગ હાથ ધરવામાં આવ્યું હતું. જેમાં પોલીસ ને પેટ્રોલીંગ દરમિયાન ખાનગી રાહે બાતમી મળી હતી. કે ભગુપુર ગામે દરબાર ગઢ માં આવેલ ગાંધી ચોક માં એક વ્હાઈટ રંગ ની કાર મા વિદેશી દારૃ ભરેલ છે.
તેવી બાતમીના આધારે પોલીસે બાતમી વાળી જગ્યાએ કાર ની તપાસ હાથ ધરીને કાર માંથી વિદેશી દારૂની બોટલો નંગ – 8 જે.ની.કી.રૃ. 9600 તથા બીયર ના ટીન નંગ – 8 જેની કિ.રૂા.1760 તથા કાર-1 જેની કિ.રૂા. 50,000 મળીને કુલ રૂપિયા 61,360 નો મુદામાલ કબ્જે કર્યો હતો. જ્યારે રેડ દરમિયાન કાર ચાલક હાજર નહી મળી આવતાં પોલીસે કાર ચાલક વિરૂઘ્ધ ચુડા પોલીસ સ્ટેશનમાં ગુનો નોંધીને વધુ તપાસ હાથ ધરી હતી.
