Rajkot, તા.21
રાજકોટમાં છેલ્લા કેટલાંક દિવસોની જેમ આજે પણ સવારથી જ સતત વરસાદી માહોલ વચ્ચે ઝરમર અને છુટા છવાયા ઝાપટા વરસતા રહ્યા હતા જેથી વાતાવરણમાં ટંડક સાથે બપોરનું તાપમાન પણ ઘણું નીચુ ઉતરી જતાં લોકોને ગરમીમાંથી મુક્તિ મળી હતી. આજે સવારથી જ બપોર સુધીમાં સૂર્ય દેવતાના દર્શન દુર્લભ રહ્યા હતા. અને સતત જુદા-જુદા વિસ્તારોમાં હળવા ભારે ઝાપટા વરસતા રહ્યા હતા.
સ્થાનિક હવામાન કચેરી અનુસાર આજે બપોરે 2-30 કલાકે રાજકોટનું તાપમાન 26.8 ડીગ્રી સુધી નીચુ ઉતરી ગયું હતું. આથી વાતાવરણ ઠંડુ રહ્યું હતું. જ્યારે બપોરે હવામાં ભેજ 92 ટકા રહ્યો હતો અને પવનની ઝડપ 12 કી.મી. પ્રતિ કલાક રહેવા પામી હતી.
આ ઉપરાંત આજે સવારે 8-30 કલાકે શહેરનું તાપમાન 27.4 અને લઘુત્તમ તાપમાન 24.4 ડીગ્રી નોંધાયું હતું તથા સવારે હવામાં ભેજ 84 ટકા રહ્યો હતો અને પવનની સરેરાશ ઝડપ 10 કીમી નોંધાવા પામી હતી.
