Mumbai, તા.10
રણવીરસિંહનો 40મો જન્મદિવસ 6 જુલાઈના રોજ હતો અને આ ખાસ પ્રસંગે, અભિનેતાએ પોતાને એક લક્ઝરી કાર ભેટ આપી. એવું કહેવામાં આવી રહ્યું છે કે તેમણે Hummer EV 3X ખરીદી છે. તાજેતરમાં, એક વીડિયો સામે આવ્યો છે જેમાં આ કાર રણવીરના ઘરની બહાર જોવા મળી રહી છે. આ રણવીર સિંહની પહેલી ઇલેક્ટ્રિક કાર છે અને તેની કિંમત 4.5 કરોડ રૂપિયા હોવાનું કહેવાય છે.
રણવીર સિંહનો 40મો જન્મદિવસ ખૂબ જ ખાસ હતો. એક તરફ, તેમની નવી ફિલ્મ ‘ધુરંધર’નો પહેલો લુક અને ટીઝર રિલીઝ થયો, તો બીજી તરફ, અભિનેતાએ પોતાને ઇલેક્ટ્રિક કાર ભેટમાં આપી. આ વીડિયો સામે આવ્યા બાદથી તેના વિશે ઘણી ચર્ચા થઈ રહી છે.
વીડિયોમાં બતાવવામાં આવ્યું છે કે. હમર EV 3X રણવીર અને દીપિકા પાદુકોણના ઘરે પહોંચાડવામાં આવી રહી છે. રણવીર સિંહ હવે ઇલેક્ટ્રિક કાર ધરાવનાર પ્રથમ બોલિવૂડ સેલિબ્રિટી બની ગયો છે.
તેમના કાર કલેક્શનની વાત કરીએ તો, તેમની પાસે પહેલાથી જ 4.38 કરોડ રૂપિયાની રેન્જ રોવરથી લઈને 3.15 કરોડ રૂપિયાની લેમ્બોર્ગિની, એસ્ટન માર્ટિન રેપિડ એસ, મર્સિડીઝ મેબેક GLS 600 4Matic અને જગુઆર XJ L જેવી કાર છે. આ દરેક કારની કિંમત 3 કરોડ રૂપિયાથી વધુ છે. ફરક ફક્ત જગુઆરનો છે, જેની કિંમત 99 લાખ રૂપિયા હોવાનું કહેવાય છે.
રણવીરની કુલ સંપત્તિ વિશે વાત કરીએ તો, તે હાલમાં 226 કરોડ રૂપિયા હોવાનું કહેવાય છે. તે જાહેરાતો, ફિલ્મો અને સ્ટેજ પર્ફોર્મન્સમાંથી ઘણી કમાણી કરે છે. રણવીર એક ફિલ્મ માટે 30 થી 50 કરોડ રૂપિયા લે છે. અહેવાલો અનુસાર, તેણે તેની નવી ફિલ્મ ‘ધુરંધર’ માટે પણ તગડી ફી લીધી છે.
