રોયલ એનફીલ્ડે બુધવારે (20 નવેમ્બરે) એક તદ્દન નવી બાઇક રોયલ એન્ફીલ્ડ ગોન ક્લાસિક 350 લોન્ચ કરી છે. આ બોબર-સ્ટાઇલની મોટરસાઇકલ કંપનીની સૌથી લોકપ્રિય બાઇક ક્લાસિક 350 પર આધારિત છે. તેને એક સિંગલ અને ત્રણ ડ્યુઅલ ટોન કલર ઓપ્શન સાથે રજૂ કરવામાં આવ્યું છે. આમાં બ્લેક સિંગલ કલરની સાથે સાયન + ઓરેન્જ, મરૂન + બ્લેક અને પર્પલ + બ્લેક ડ્યુઅલ ટોન કલર ઓપ્શનનો સમાવેશ થાય છે.
આ બોબર-સ્ટાઈલવાળી મોટરસાઈકલની કિંમત કંપનીની આગામી વાર્ષિક બાઇકિંગ ઈવેન્ટ મોટોવર્સમાં જાહેર કરવામાં આવશે, જે 22 અને 24 નવેમ્બરની વચ્ચે ગોવામાં યોજાશે. તેની કિંમત 1.93-2.30 લાખ રૂપિયા (એક્સ-શોરૂમ) વચ્ચે હોઈ શકે છે. બાઇકની સીધી સ્પર્ધા જાવા 42 બોબર સાથે થશે. આ સિવાય તે બેનેલી ઇમ્પીરિયલ 400 અને હોન્ડા H’ness 350 સાથે સ્પર્ધા કરશે.
રોયલ એનફીલ્ડ ગોન ક્લાસિક 350: ડિઝાઇન અને ફીચર્સ ગોન ક્લાસિક 350 કંપનીની લોકપ્રિય બાઇક ક્લાસિક 350 જેવી જ લાગે છે, પરંતુ કંપનીએ તેમાં કેટલાક બોબર-સ્પેસિફિક ફેરફારો કર્યા છે. ક્લાસિક 350 ની જેમ, તેમાં રાઉન્ડ એલઇડી હેડલાઇટ્સ, ટિયરડ્રોપ આકારની ફ્યૂઅલ ટેન્ક અને કર્વ્ડ ફેન્ડર છે. બાઇકની સીટ હાઇટ 750mm છે.
બાઇકના ખાસ ફીચર્સમાં સિંગલ-પીસ સીટ, એપ હેંગર હેન્ડલબાર, ફોરવર્ડ-સેટ ફૂટપેગ્સ, સ્લેશ-કટ એક્ઝોસ્ટ પાઇપ, યુએસબી ચાર્જિંગ પોર્ટ, વાયર-સ્પોક વ્હીલ્સ અને જાડા ટાયરનો સમાવેશ થાય છે. આ સિવાય તેમાં રાઉન્ડ ટેલ લેમ્પ, ટર્ન ઈન્ડિકેટર્સ, સેમી-ડિજિટલ ઈન્સ્ટ્રુમેન્ટ ક્લસ્ટર આપવામાં આવ્યા છે. અન્ય મોડલની જેમ તેની સાથે પણ તમામ એક્સેસરીઝ અને કસ્ટમાઇઝેશન વિકલ્પો ઉપલબ્ધ હશે.
રોયલ એનફીલ્ડ ગોન ક્લાસિક 350: હાર્ડવેર આ મોટરસાઇકલમાં 19 ઇંચના આગળના અને 18 ઇંચના પાછળના સ્પોક વ્હીલ્સ આપવામાં આવ્યા છે. આરામદાયક સવારી માટે, મોટરસાઇકલમાં આગળના ભાગમાં 41mm ટેલિસ્કોપિક ફોર્ક અને પાછળના ભાગમાં 6-સ્ટેપ પ્રીલોડ એડજસ્ટેબલ ટ્વીન શોક એબ્ઝોર્વર યુનિટ છે.
બ્રેકિંગ સિસ્ટમની વાત કરીએ તો તેમાં ડ્યુઅલ-ચેનલ ABS સાથે 300mm ફ્રન્ટ અને 270mm રિયર ડિસ્ક બ્રેક છે. પાછળના ભાગમાં ડ્રમ બ્રેક્સ બેઝ વેરિઅન્ટમાં સિંગલ-ચેનલ ABS સાથે આપી શકે છે.
રોયલ એનફીલ્ડ ગોન ક્લાસિક 350: પરફોર્મન્સ રોયલ એન્ફીલ્ડ ગોન ક્લાસિક 350 માં 349cc J-સિરીઝ સિંગલ-સિલિન્ડર એર-કૂલ્ડ એન્જિન મળશે, જે 6100rpm પર 20hp પાવર અને 4000rpm પર 27Nm પીક ટોર્ક જનરેટ કરે છે. ટ્રાન્સમિશન માટે એન્જિનને 5-સ્પીડ ગિયરબોક્સ સાથે ટ્યુન કરવામાં આવ્યું છે. આ એન્જિન સેટઅપ રોયલ એન્ફીલ્ડના Classic 350, Bullet 350 અને Hunter 350 માં પણ જોવા મળે છે. જોકે, કંપનીએ એન્જિનના સ્પેસિફિકેશનનો ખુલાસો કર્યો નથી.
