પત્નીના પ્રેમી ભાવેશ બજાણીયાના પરિવાર પર હુમલો કરનાર પતિ સહીત ચારની ધરપકડ
Thane,તા.08
થાનમાં ગત બુધવારે મોડી રાતે ડબલ મર્ડરની ચકચારી ઘટના બની હતી. વાડીમાં સૂઈ રહેલા પિતા-પુત્રની ત્રણ થી ચાર શખ્સોએ તીક્ષ્ણ હથિયારનાં ઘા ઝીંકીને હત્યા કરી હતી જયારે માતા મંજુબેનને પણ માર મારવામાં આવ્યો હતો. જયારે મંજુબેનને સારવાર અર્થે ખસેડવામાં આવ્યા હતા પણ સારવાર દરમિયાન મંજુબેનનું પણ મોત નીપજતા બેવડી હત્યાનો બનાવ ટ્રિપલ મર્ડરમાં પરિવર્તિત થયો છે.માહિતી અનુસાર, થાન તાલુકાનાં મોરથળા રોડ પર આવેલી વાડીમાં ઘુઘાભાઈ દાનાભાઈ બજાણીયા(કોળી) (ઉં.60) અને તેમનો પુત્ર ભાવેશભાઈ બજાણીયા (ઉં.27) ગત રાતે સૂવા માટે ગયા હતા. દરમિયાન, મોડી રાતે ત્રણથી ચાર શખ્સો ત્યાં આવ્યા હતા અને તીક્ષ્ણ હથિયારોથી પિતા-પુત્ર પર જીવલેણ હુમલો કર્યો હતો. આ હુમલામાં પિતા-પુત્રનું સ્થળ પર જ મોત નીપજ્યું હતું. જ્યાંરે માતા મંજુબેન બજાણીયા(ઉ.વ.55) ઈજાગ્રસ્ત થયાં હતા. જેમને સારવાર અર્થે ખસેડવામાં આવ્યા હતા પરંતુ સારવાર દરમિયાન તેમનું મોત નીપજતા બનાવ ટ્રિપલ મર્ડરમાં પલટાયો છે.
હુમલાખોરના પત્ની સંગીતા પતિને તરછોડી ભાવેશ સાથે રહેતી હોય તે બાબતનો ખાર રાખી આ હુમલો કરવામાં આવ્યો હતો. ત્યારે પોલીસે હુમલાખોર પતિ દિનેશ, ભાઈ, કાકાજી સસરા અને અન્ય એક શખ્સની ધરપકડ કરી લીધી છે.
