Kashi માં ગંગાનું જળસ્તર ઝડપથી વધ્યું, ચિત્રકૂટમાં મંદાકિનીએ તોડ્યો રેકોર્ડ

ચિત્રકૂટમાં અસરગ્રસ્ત પરિવારોને સુરક્ષિત આશ્રય આપવા માટે ૬૧ પૂર રાહત શિબિરો સ્થાપવામાં આવી

Kashi , તા.૩૧

ઉત્તર પ્રદેશમાં ભારે વરસાદ અને નદીઓના વધતા જળસ્તરને કારણે અનેક વિસ્તારોમાં પૂરનો ખતરો વધ્યો છે. કાશીમાં ગંગા નદીનું પાણી ફરી ઝડપથી વધી રહ્યું છે, જ્યારે ચિત્રકૂટમાં મંદાકિની નદીએ ૨૩ વર્ષ જૂનો પૂરનો રેકોર્ડ તોડી નાખ્યો છે. ચિત્રકૂટમાં પાણીનું સ્તર ૧૩૫.૨ મીટર સુધી પહોંચતાં વહીવટીતંત્રે રાહત અને બચાવ કામગીરી તેજ કરી છે. બીજી તરફ, કાશીમાં ગંગાનું પાણી રાજઘાટ ખાતે ચેતવણી સ્તરની નજીક પહોંચી ગયું છે.ચિત્રકૂટમાં મંદાકિની નદીનું જળસ્તર ૧૩૫.૨ મીટર સુધી પહોંચી ગયું હતું. જિલ્લા મેજિસ્ટ્રેટ પુલકિત ગર્ગના જણાવ્યા અનુસાર, વર્ષ ૨૦૦૩માં અહીં નદીનું સૌથી વધુ જળસ્તર ૧૩૪.૫ મીટર નોંધાયું હતું. હવે આ રેકોર્ડ તૂટ્યો છે અને રેકોર્ડ રાખવાનું શરૂ થયા બાદ મંદાકિનીનું આ સૌથી ઊંચું જળસ્તર છે. પૂર જેવી સ્થિતિને કારણે લગભગ ૧૬ ગામો અસરગ્રસ્ત થયા છે. દ્ગડ્ઢઇહ્લ અને જીડ્ઢઇહ્લની ટીમોની મદદથી ૪૦૦થી વધુ લોકોને સુરક્ષિત સ્થળોએ ખસેડવામાં આવ્યા છે.ચિત્રકૂટમાં અસરગ્રસ્ત પરિવારોને સુરક્ષિત આશ્રય આપવા માટે ૬૧ પૂર રાહત શિબિરો સ્થાપવામાં આવી છે. આ શિબિરોમાં લોકોને રહેવાની સાથે ખોરાક, પીવાનું પાણી, લાઇટિંગ અને સ્વચ્છતા જેવી જરૂરી સુવિધાઓ આપવામાં આવી રહી છે. વહીવટીતંત્ર દ્વારા અત્યાર સુધીમાં ૩,૦૦૦થી વધુ ફૂડ પેકેટનું વિતરણ કરવામાં આવ્યું છે અને અસરગ્રસ્ત વિસ્તારોમાં રાશન તથા ગરમ ભોજન પહોંચાડવાની વ્યવસ્થા પણ કરવામાં આવી રહી છે.કાશીમાં પણ ગંગાના વધતા જળસ્તરે ચિંતા વધારી છે. રવિવારે રાત્રે ૮ વાગ્યે રાજઘાટ ખાતે ગંગાનું પાણી ૬૯.૫૨ મીટર નોંધાયું હતું. કેન્દ્રીય જળ આયોગના જણાવ્યા અનુસાર, પાણીનું સ્તર પ્રતિ કલાક લગભગ ૪ સેન્ટિમીટરના દરે વધી રહ્યું હતું. ગંગાનું ચેતવણી સ્તર ૭૦.૨૬ મીટર અને ભયનું નિશાન ૭૧.૨૬ મીટર છે. એટલે પાણી ચેતવણી સ્તરથી માત્ર ૭૪ સેન્ટિમીટર નીચે હતું. પૂરગ્રસ્ત વિસ્તારોમાં રાહત અને બચાવ માટે છ બોટ તથા દ્ગડ્ઢઇહ્લની ટીમો તૈનાત કરવામાં આવી છે.કાશીમાં અસરગ્રસ્ત લોકોને રાહત સામગ્રીનું વિતરણ પણ કરવામાં આવી રહ્યું છે. અત્યાર સુધીમાં પૂર રાહત કીટ, લંચ પેકેટ, ફળો અને દૂધના પેકેટ આપવામાં આવ્યા છે. લોકોનેર્ ંઇજી અને ક્લોરિનની ગોળીઓ પણ પૂરી પાડવામાં આવી રહી છે. હાલ ખેડૂતો, પાક કે કૃષિ ક્ષેત્રને મોટા નુકસાનની માહિતી નથી, પરંતુ ગંગાનું જળસ્તર સતત વધી રહ્યું હોવાથી આગામી કલાકોમાં સ્થિતિ પડકારજનક બની શકે છે. બંને શહેરોમાં વહીવટીતંત્ર અને બચાવ ટીમો સ્થિતિ પર સતત નજર રાખી રહી છે.