New York તા.11
દુનિયાના સૌથી વધુ ફોલોઅર ધરાવતા ટિકટોક સ્ટાર ખાબી લેમે અમેરિકા છોડવું પડ્યું છે. લાસ વેગાસમાં વિઝાની ડેડલાઈન કરતાં વધારે રોકાવા બદલ ઈમિગ્રેશન એન્ડ કસ્ટમ્સ એન્ફોર્સમેન્ટના અધિકારીઓએ તેની ધરપકડ કરી હતી. ‘સેનેગલમાં જન્મેલા અને ઈટાલીના નાગરિક ખાબી લેમની શુક્રવારે હેરી રીડ ઈન્ટરનેશનલ એરપોર્ટ પરથી અટકાયત કરી હતી.’
ખાબી લેમ 30 એપ્રિલે અમેરિકા આવ્યો હતો, પરંતુ તેના પર વિઝાની શરતોનું ઉલ્લંઘન કરવાનો આરોપ છે. જોકે, તેમને સ્વેચ્છાએ અમેરિકા છોડવાની મંજૂરી આપી, તેથી તેમની સામે ઔપચારિક ડિપોર્ટેશનનો આદેશ જાહેર કરાયો ન હતો.
ઉલ્લેખનીય છે કે, ટિકટોક સ્ટાર ખાબી લામે કોરોના મહામારી દરમિયાન તેમના વીડિયો દ્વારા લોકપ્રિયતા મેળવી હતી. જેમાં તેમણે વિચિત્ર અને જટિલ ‘લાઇફ હેક્સ’ પર કંઈ પણ કહ્યા વિના રમૂજી રીતે પ્રતિક્રિયા આપી હતી. ટિકટોક પર તેના 162 મિલિયનની વધુ ફોલોઅર્સ છે.
