New Delhi,તા.9
ઈપીએફઓએ પીએફ ખાતાના યુનિવર્સલ નંબર (યુએએન)ને સક્રિય કરવાની પ્રક્રિયાને સરળ બનાવી છે, તેના માટે આધાર આધારીત ચહેરો વેરિફીકેશનની સુવિધા શરૂ કરી દેવામાં આવી છે.
જે અંતર્ગત ઉમંગ એપના માધ્યમથી કર્મચારી ખુદ જ યુએનએને સક્રિય કરી શકશે કેન્દ્રીય શ્રમ તેમજ રોજગાર મંત્રી કે.મનસુખ માંડવીયાએ મંગળવારે જણાવ્યું હતું કે આ સુવિધાથી યુએએનમાં મોબાઈલ નંબર અને નામ સબંધી ત્રુટીઓ ખતમ થઈ જશે.
અત્યાર સુધી યુએએન નંબર માત્ર નિયુકત કરનાર દ્વારા સક્રિય કરવામાં આવતો હતો. ઘણીવાર તેમાં ત્રુટી રાખી દેવામાં આવતી હતી જેના કારણે કર્મચારીને ઉપાડ કરવા કે અન્ય લાભ લેવા માટે પોતાની જાણકારી પોર્ટલ પર જઈને અપડેટ કરવી પડતી હતી.
તેમાં ઘણીવાર સમય લાગતો હતો આ ઉપરાંત તેમાં કર્મચારી દ્વારા ઓટીપી વેરિફીકેશન યુએએન સક્રિય કરવાની અલગ પ્રક્રિયા હતી. તે પણ નવી સુવિધામાં સમાવેશ થઈ જશે.દેશભરમાં સંચાલીત ભવિષ્ય નિધિ (પીએફ) ટ્રસ્ટોની શ્રમ અને રોજગાર મંત્રાલય દ્વારા તપાસ ક્રવામાં આવી રહી છે. તમામ સ્તરેથી મળી રહેલી ફરીયાદો વચ્ચે મંત્રાલયે આ નિર્ણય લીધો છે.
જેમાં ટ્રસ્ટોનાં ખાતાનું ઓડીટ કરાશે.જો કયાંય પણ ગરબડ મળે છે તો તેના આધારે કાર્યવાહી કરવામાં આવશે. પહેલા ચરણમાં એ ટ્રસ્ટોની તપાસ કરવામાં આવશે જેના બારામાં અગાઉથી ફરિયાદો મળી ચુકી છે.
