Amreli ,તા.12
અમરેલી જિલ્લામાં આજે (12મી ફેબ્રુઆરી) આંગણવાડી વર્કર્સ અને હેલ્પરોએ પોતાની પડતર માંગણીઓ અને વિવિધ પ્રશ્નો મુદ્દે સરકાર સામે મોરચો માંડ્યો હતો. અમરેલી અને બગસરા સહિતના વિસ્તારોમાં મોટી સંખ્યામાં આંગણવાડીની મહિલાઓએ એકઠા થઈને દેખાવો કર્યો હતો.
રાષ્ટ્રીય ટ્રેડ યુનિયનના આહ્વાન પર 12મી ફેબ્રુઆરીના રોજ આંગણવાડી વર્કરોએ વિવિધ માંગણીઓ સંદર્ભે બાળ વિકાસ યોજના અધિકારી (CDPO)ને આવેદનપત્ર પાઠવ્યું હતું. આ કાર્યક્રમમાં બહોળી સંખ્યામાં મહિલા કાર્યકરોએ હાજર રહીને સરકાર સામે પોતાની હક્કની લડાઈ તેજ કરી હતી.
આંગણવાડીની બહેનોએ આવેદનપત્રમાં રજૂઆત કરી છે કે, નવી ટેકનિકલ એપ્લિકેશન દ્વારા કામમાં વધારો થતા મહિલાઓ પર કામનું ભારણ વધ્યું છે. નવી સિસ્ટમના કારણે આંગણવાડી વર્કરોની માનસિક સ્થિતિ પર અસર પડી રહી હોવાની રજૂઆત કરવામાં આવી છે. વર્ષોથી લટકતી માંગણીઓ ન સંતોષાતા બહેનોમાં ભારે રોષ જોવા મળી રહ્યો છે.
