New Delhi, તા.13
T20 વર્લ્ડ કપમાં ઇટાલીએ નેપાળ સામે ઐતિહાસિક જીત નોંધાવી હતી, પરંતુ સૌથી વધુ નુકસાન ઇંગ્લેન્ડને થયું હતું. ગ્રુપ C પોઈન્ટ ટેબલમાં ઇંગ્લેન્ડ ચોથા સ્થાને સરકી ગયું છે. ઇટાલીએ નેપાળને હરાવીને વર્લ્ડ કપમાં પોતાની પહેલી જીત નોંધાવી અને ટેબલમાં જીતનો ખાતો ખોલ્યો. બીજી તરફ, નેપાળે તેની બંને શરૂઆતની મેચ હારી ગઈ છે.
ઇટાલી બે મેચમાં બે પોઈન્ટ સાથે ગ્રુપ સીમાં ત્રીજા સ્થાને છે, જેમાં એક જીત અને એક હારનો સામનો કરવો પડ્યો છે. આ દરમિયાન, નેપાળને સતત બીજી હારનો સામનો કરવો પડ્યો અને તે ટેબલમાં સૌથી નીચે પાંચમા સ્થાને છે. વેસ્ટ ઈન્ડિઝ, પોતાની બંને શરૂઆતની મેચ જીતીને, ગ્રુપમાં ટોચ પર છે. સ્કોટલેન્ડ, બે મેચમાં એક જીત અને એક હાર સાથે, બીજા સ્થાને છે.
ઈટાલીની જીતથી ઈંગ્લેન્ડનો સુપર આઠ તબક્કામાં જવાનો માર્ગ મુશ્કેલ બન્યો છે. ઈંગ્લેન્ડ હવે ગ્રુપ તબક્કામાં પોતાની બાકીની બે મેચ સ્કોટલેન્ડ અને ઇટાલી સામે રમવાની છે.
આંકડાકીય રીતે, ઈંગ્લેન્ડ આ બે ટીમો પર પ્રભુત ધરાવે છે, પરંતુ T20 માં, કોઈપણ ટીમ ગમે ત્યારે અપસેટ સર્જી શકે છે. તેથી, જો ઈંગ્લેન્ડ એક પણ મેચ હારી જાય, તો તેમના માટે આગામી રાઉન્ડમાં આગળ વધવું મુશ્કેલ બની શકે છે.

