રોકાણકાર મિત્રો, આનંદ ને…!! તા.૩૦.૦૩.૨૦૨૬ ના રોજ…
મધ્ય પૂર્વના સંઘર્ષ, વૈશ્વિક મંદીના ભય અને મોંઘવારીના દબાણ વચ્ચે રોકાણકારોમાં “રિસ્ક ઓફ” સેન્ટિમેન્ટ જોવા મળિયું હતું.વૈશ્વિક બજારોમાં મચેલા હાહાકારની સીધી અસર આજે ભારતીય શેરબજાર પર જોવા મળી છે. અઠવાડિયાના પ્રથમ દિવસે જ ભારતીય શેરબજારમાં મોટી સુનામી જોવા મળી છે. વૈશ્વિક સ્તરે વધી રહેલા તણાવ અને એશિયન બજારોમાં આવેલા કડાકાને કારણે આજે શેરબજાર ખૂલતાની સાથે જ ધડાધડ નીચે પટકાયું હતું. સેન્સેક્સ અને નિફ્ટી બંને મહત્વના સ્તરો તોડીને લાલ નિશાનમાં ટ્રેડ કરી રહ્યા છે.
ટ્રેડિંગ સેશન દરમિયાન ભારતીય શેરબજારમાં સ્પષ્ટ અને વ્યાપક બેરિશ ટ્રેન્ડ જોવા મળ્યો હતો. બજાર ગેપ-ડાઉન ખુલ્યું હતું અને દિવસભર વેચવાલીના દબાણ હેઠળ રહ્યું હતું. મોટા કેપ સ્ટોક્સ સાથે મિડકેપ અને સ્મોલકેપ સેગમેન્ટમાં પણ નોંધપાત્ર ઘટાડો જોવા મળતા સમગ્ર બજારમાં નબળાઈનો માહોલ રહ્યો હતો.રોકાણકારો ખાસ કરીને વૈશ્વિક અનિશ્ચિતતા અને જીઓ-પોલિટિકલ જોખમોને ધ્યાનમાં રાખીને સાવચેત બન્યા હતા, જેના કારણે દરેક ઉછાળે વેચવાલી જોવા મળી હતી.
બજારમાં કડાકા પાછળના મુખ્ય કારણોનું વિશ્લેષણ: વર્તમાન સ્થિતિ મુજબ બજાર તૂટવા પાછળ નીચે મુજબના કારણો જવાબદાર છે.
- ઈરાન-અમેરિકા યુદ્ધની અસર:મિડલ ઈસ્ટમાં ઈરાન અને અમેરિકા વચ્ચે વધતા સૈન્ય સંઘર્ષને કારણે વૈશ્વિક રોકાણકારો સુરક્ષિત રોકાણ તરફ વળ્યા છે અને શેરબજારમાંથી નાણાં ખેંચી રહ્યા છે.
- ક્રૂડ ઓઈલના ભાવમાં ભડકો:કાચા તેલના ભાવ $૧૦૯ પ્રતિ બેરલને પાર કરી ગયા છે. ભારત તેની જરૂરિયાતનું મોટું નિકાસ બહારથી કરે છે, તેથી તેલના વધતા ભાવ ભારતીય અર્થતંત્ર અને રૂપિયા માટે નકારાત્મક છે.
- એશિયન બજારોમાં નબળાઈ:જાપાન, કોરિયા અને હોંગકોંગના બજારોમાં આજે સવારથી જ ભારે વેચવાલી જોવા મળી હતી, જેની સીધી અસર ભારતીય સેન્ટિમેન્ટ પર પડી છે.
- ડોનાલ્ડ ટ્રમ્પની ધમકી:ટ્રમ્પ દ્વારા ઈરાનના તેલ ભંડાર અને ખાર્ગ આઈલેન્ડ પર કબજો કરવાની ચીમકીએ અનિશ્ચિતતામાં વધારો કર્યો છે.
બીએસઇ સેન્સેક્સ :- ટ્રેડીંગની શરૂઆતે બીએસઇ સેન્સેક્સ આગલા બંધ ૭૩૫૮૩ સામે ૭૨૫૬૫ પોઈન્ટના મથાળેથી ખુલીને નફારૂપી વેચવાલી દ્વારા ૭૧૭૭૪ પોઈન્ટના નીચા મથાળે જોવા મળેલ. સેન્સેક્સ આધારિત શેરોમાં તબક્કાવાર વેચવાલીનો માહોલ જોવા મળ્યો…દિવસ દરમ્યાન સરેરાશ ૧૩૯૧ પોઈન્ટની મુવમેન્ટ નોંધાવી ભારતીય શેરબજારનો સેન્સેક્સ ૧૬૩૫ પોઈન્ટના ઘટાડા સાથે ૭૧૯૭૪ પોઈન્ટ બંધ થયેલ…!!!
નિફ્ટી ફ્યુચર :- ટ્રેડીંગની શરૂઆતે નિફ્ટી ફ્યુચર આગલા બંધ ૨૨૮૧૬ સામે ૨૨૬૦૯ પોઈન્ટના મથાળેથી ખુલીને સ્ટોક સ્પેશીફીક ઘટાડો નોંધાવી ૨૨૨૮૫ પોઈન્ટના નીચા મથાળા સુધી જોવા મળેલ. નિફ્ટી ફ્યુચર આધારિત શેરોમાં તબક્કાવાર વેચવાલીનો માહોલ જોવા મળ્યો…સરેરાશ ૪૨૪ પોઈન્ટની મુવમેન્ટ નોંધાવી નિફ્ટી ફ્યુચર ૪૮૬ પોઈન્ટના ઘટાડા સાથે ૨૨૩૩૦ પોઈન્ટ બંધ થયેલ…!!!
ટ્રેડિંગ સેશનની વિગતવાર સમીક્ષા : બજારની શરૂઆત નકારાત્મક ગ્લોબલ સંકેતોને અનુસરીને ગેપ-ડાઉન થઈ હતી. શરૂઆતથી જ બેન્કિંગ, મેટલ અને આઈટી સેક્ટરમાં વેચવાલી જોવા મળતા સૂચકાંકો ઝડપથી નીચે સરક્યા હતા.મધ્ય સત્ર દરમિયાન થોડો સમય માટે બજાર કન્સોલિડેશનમાં ગયું હતું, પરંતુ ખરીદદારોની અછતને કારણે તે ટકી શક્યું નહોતું.અંતિમ કલાકોમાં વેચવાલી વધુ તેજ બનતા બજાર દિવસના નીચલા સ્તર નજીક બંધ થયું હતું, જે દર્શાવે છે કે સેન્ટિમેન્ટ હજુ પણ નબળું છે.
માર્કેટ બ્રેડ્થ : માર્કેટ બ્રેડ્થ ખૂબ જ નકારાત્મક રહી હતી. ઘટતા શેરોની સંખ્યા વધતા શેરોની સરખામણીએ ઘણી વધુ રહી હતી.રેશિયો સતત નબળો રહ્યો હતો, જે બજારમાં વ્યાપક વેચવાલીનું પ્રતિબિંબ છે.મિડકેપ અને સ્મોલકેપ શેરોમાં વધુ ઘટાડો નોંધાતા બજારમાં જોખમવાળા સેગમેન્ટમાં રોકાણકારો બહાર નીકળતા જોવા મળ્યા હતા.
વૈશ્વિક બજારોની અસર : વૈશ્વિક બજારોમાં નબળાઈ જોવા મળતા ભારતીય શેરબજાર પર સીધી અસર પડી હતી. અમેરિકન બજારમાં ડાઉ જોન્સ ઇન્ડસ્ટ્રિયલ એવરેજ અને નાસ્ડેક કમ્પોઝિટમાં ઘટાડો નોંધાયો હતો.યુરોપિયન બજારોમાં FTSE 100, DAX અને CAC 40 નબળાઈ સાથે ટ્રેડ થયા હતા.એશિયન બજારોમાં Nikkei 225, Hang Seng Index અને KOSPI માં પણ ઘટાડો જોવા મળ્યો હતો.
વિશ્વ સમાચાર અને વૈશ્વિક પરિબળો : વૈશ્વિક સ્તરે મધ્ય પૂર્વમાં વધતા તણાવ બજાર માટે સૌથી મોટું જોખમ બની રહ્યા છે. ડોનાલ્ડ ટ્રમ્પની ઈરાનને ચેતવણીઓ અને ઈરાનનું કડક વલણ પરિસ્થિતિને વધુ ગંભીર બનાવી રહ્યું છે.ઈરાન દ્વારા મહત્વપૂર્ણ ઓઈલ સપ્લાય રૂટ્સને બંધ કરવાની ચીમકી આપતા વૈશ્વિક સપ્લાય ચેઇન ખલેલમાં આવી શકે છે, જેના કારણે ઓઈલના ભાવમાં તેજી જોવા મળી રહી છે.મૂડીઝ દ્વારા એશિયા પેસિફિક વૃદ્ધિ અંગેની ચેતવણી પણ વૈશ્વિક રોકાણકારોમાં ચિંતા વધારતી જોવા મળી છે.
સ્થાનિક પરિબળો : સ્થાનિક સ્તરે એફઆઈઆઈની વેચવાલી બજાર માટે સૌથી મોટું દબાણનું કારણ બની રહી છે.કેટલાક સેક્ટરમાં ઊંચા મૂલ્યાંકનને કારણે રોકાણકારો નફાવસૂલ કરી રહ્યા છે.ભારતની મજબૂત અર્થવ્યવસ્થા હોવા છતાં ટૂંકા ગાળે વૈશ્વિક પરિબળો વધુ અસરકારક બની રહ્યા છે.
સેક્ટરવાઇઝ થયેલી મૂવમેન્ટ : બેન્કિંગ સેક્ટરમાં ભારે ઘટાડો નોંધાયો હતો, જે સૂચકાંકોને નીચે ખેંચવાનું મુખ્ય કારણ બન્યું હતું.મેટલ સેક્ટર વૈશ્વિક માંગ અંગેની ચિંતાઓને કારણે નબળું રહ્યું હતું.IT સેક્ટર પર અમેરિકન બજારની નબળાઈનો સીધો પ્રભાવ જોવા મળ્યો હતો.ઓટો અને રિયલ્ટી સેક્ટરમાં પણ વેચવાલી નોંધાઈ હતી.FMCG અને ફાર્મા સેક્ટરમાં મર્યાદિત સ્થિરતા જોવા મળી હતી.
કોમોડિટી બજાર અપડેટ : કોમોડિટી બજારમાં ભારે વોલેટિલિટી જોવા મળી હતી. ક્રૂડ ઓઈલના ભાવમાં તેજી બજાર માટે નકારાત્મક પરિબળ બની રહી છે.ગોલ્ડ અને સિલ્વરમાં ઘટાડો નોંધાયો હતો. મલ્ટી કોમોડિટી એક્સચેન્જ ઓફ ઈન્ડિયા પર સોનાના ભાવમાં ઘટાડો અને ચાંદીમાં તીવ્ર ઘટાડો જોવા મળ્યો.બેઝ મેટલ્સમાં વૈશ્વિક માંગમાં નબળાઈને કારણે દબાણ રહ્યું હતું.
ક્યાં સેક્ટરમાં તેજી જોવા મળી : બજારમાં વ્યાપક નબળાઈ હોવા છતાં એફેમસીજી અને ફાર્મા સેક્ટરમાં મર્યાદિત તેજી અથવા સ્થિરતા જોવા મળી હતી.આ સેક્ટરો બજારની અસ્થિરતા દરમિયાન સલામત રોકાણ તરીકે ઉભરી આવ્યા હતા.
રોકાણકારો માટે વ્યૂહરચના : વર્તમાન પરિસ્થિતિમાં રોકાણકારોએ “વેઈટ એન્ડ વોચ” અભિગમ અપનાવવો જોઈએ.ઉચ્ચ વોલેટિલિટી વચ્ચે સ્ટોપ-લોસ સાથે ટ્રેડિંગ કરવું જરૂરી છે.મજબૂત ફંડામેન્ટલ ધરાવતા સ્ટોક્સમાં તબક્કાવાર રોકાણ કરવું યોગ્ય રહેશે.
આગામી ટ્રેન્ડ : આગામી દિવસોમાં બજાર માટે વોલેટિલિટી યથાવત રહેવાની સંભાવના છે.જીઓ-પોલિટિકલ પરિસ્થિતિ, ક્રૂડ ઓઈલના ભાવ અને એફઆઈઆઈની ગતિવિધિ બજાર માટે મુખ્ય ટ્રિગર રહેશે.જો વૈશ્વિક તણાવ વધશે તો બજારમાં વધુ ઘટાડો શક્ય છે, જ્યારે કોઈ સકારાત્મક સમાચાર આવતાં ટૂંકા ગાળે રિકવરી જોવા મળી શકે છે.કુલ મળીને ભારતીય શેરબજારમાં હાલમાં બેરિશ ટ્રેન્ડ મજબૂત બની રહ્યો છે. વૈશ્વિક તણાવ, ઓઈલના વધતા ભાવ અને એફઆઈઆઈની વેચવાલી બજાર પર દબાણ ઊભું કરી રહ્યા છે.રોકાણકારોએ આ પરિસ્થિતિમાં સાવચેતીપૂર્વક અને વ્યૂહાત્મક અભિગમ અપનાવવો જરૂરી છે, કારણ કે ટૂંકા ગાળે બજારમાં અનિશ્ચિતતા અને જોખમ બંને ઊંચા સ્તરે છે. બજારમાં આવેલા આ પ્રારંભિક કડાકાને કારણે રોકાણકારોના લાખો કરોડ રૂપિયા ધોવાઈ ગયા છે. આઈટી, બેંકિંગ અને ઓટો સેક્ટરના શેરોમાં સૌથી વધુ દબાણ જોવા મળી રહ્યું છે.જો વૈશ્વિક તણાવ ઓછો નહીં થાય તો આગામી દિવસોમાં બજાર હજુ પણ નીચે જઈ શકે છે.
તા.૦૧.૦૪.૨૦૨૬ ના રોજ સ્ટોક માર્કેટ ટ્રેડીંગ સંદર્ભે…
- તા.૩૦.૦૩.૨૦૨૬ ના રોજ નિફટી ફ્યુચર બંધ ભાવ @ ૨૨૩૩૦ પોઈન્ટ :- આગામી સંભવિત નિફ્ટી ફ્યુચર ૨૨૨૦૨ પોઈન્ટના પ્રથમ અને ૨૨૧૩૩ પોઈન્ટના અતિ મહત્વના સ્ટ્રોંગ સપોર્ટથી ટ્રેડીંગ સંદર્ભે ૨૨૩૭૩ પોઈન્ટ થી ૨૨૪૦૪ પોઈન્ટ આસપાસ અતિ મહત્વની સપાટીને સ્પર્શી શકે તેવી સંભાવના ધરાવે છે. નિફ્ટી ફ્યુચર ૨૨૪૭૪ પોઈન્ટ નજીક સાવધાનીપૂર્વક પોઝિશન બનાવવી જોઇએ….!!!
હવે જોઈએ સ્ટોક સ્પેસિફિક રેન્જ મૂવમેન્ટ
- લ્યુપીન લીમીટેડ ( ૨૩૧૨ ) :- ફાર્માસ્યુટિકલ સેક્ટરનો આ સ્ટોક રૂ.૨૨૯૭ નો પ્રથમ તેમજ રૂ.૨૨૮૦ ના બીજા સ્ટ્રોંગ સપોર્ટથી ટૂંકા સમયગાળે રૂ.૨૩૩૭ થી રૂ.૨૩૪૪ આસપાસ ભાવ સપાટી નોંધાવે તેવી શક્યતા છે…!! રૂ.૨૩૫૦ ઉપર તેજી તરફી ધ્યાન…!!
- ટેક મહિન્દ્રા ( ૧૪૧૬ ) :- A /T+1 ગ્રુપનો આ સ્ટોક રૂ.૧૩૯૭ આસપાસ પોઝીટીવ બ્રેકઆઉટ…!! રૂ.૧૩૮૫ ના સપોર્ટથી આ સ્ટોક રૂ.૧૪૩૪ થી રૂ.૧૪૪૦ આસપાસ ભાવ સપાટી નોંધાવે તેવી સંભાવના છે…!!
- રિલાયન્સ ઇન્ડસ્ટ્રીઝ ( ૧૩૪૯ ) :- રૂ.૧૩૨૩ નો પ્રથમ તેમજ રૂ.૧૩૧૭ ના બીજા સપોર્ટથી ઓઈલ એન્ડ માર્કેટિંગ સેક્ટરનો રોકાણલક્ષી આ સ્ટોક રૂ.૧૩૬૩ થી રૂ.૧૩૭૦ આસપાસ ભાવ સપાટી નોંધાવે તેવી શક્યતા છે…!!
- ઓરબિંદો ફાર્મા ( ૧૩૦૭ ) :- ફાર્માસ્યુટિકલ સેક્ટરનો આ સ્ટોક ટ્રેડીંગલક્ષી રૂ.૧૩૨૩ થી રૂ.૧૩૩૦ ના ભાવ સપાટીની રેન્જ મુવમેન્ટ ધરાવે છે…!! અંદાજીત રૂ.૧૨૭૪ નો સ્ટ્રોંગ સપોર્ટ ધ્યાને લેવો…!!!
- ઈન્ફોસીસ લીમીટેડ ( ૧૨૫૩ ) :- રૂ.૦૧ ની ફેસવેલ્યુ ધરાવતા કમ્પ્યુટર્સ – સોફ્ટવેર અને કન્સલ્ટિંગ સેક્ટરનો ફન્ડામેન્ટલ આ સ્ટોક રૂ.૧૨૧૮ નાં સ્ટ્રોંગ સપોર્ટને ધ્યાને લઈ તેજી તરફી રૂ.૧૩૬૭ થી રૂ.૧૩૭૩ આસપાસ ભાવ સપાટી દર્શાવે તેવી સંભાવના છે…!!!
- ગ્લેનમાર્ક ફાર્મા ( ૨૧૨૩ ) :- ટેકનીકલ ચાર્ટ મુજબ ફાર્માસ્યુટિકલ સેક્ટરનો આ સ્ટોક રૂ.૨૧૪૭ આસપાસ સપોર્ટથી રૂ.૨૧૦૩ થી રૂ.૨૦૯૭ ના નીચા મથાળે ભાવ સપાટીની શક્યતા ધરાવે છે. ટ્રેડીંગલક્ષી રૂ.૨૧૬૦ નો સપોર્ટ ખાસ ધ્યાને લેવો..!!
- એચસીએલ ટેકનોલોજી ( ૧૩૪૬ ) :- રૂ.૧૩૬૩ આસપાસ ઓવરબોટ પોઝિશનની શક્યતાએ આ સ્ટોક રૂ.૧૩૭૦ ના સપોર્ટ તબક્કાવાર રૂ.૧૩૩૦ થી રૂ.૧૩૧૭ ભાવ સપાટી દર્શાવે તેવી સંભાવના છે…!! રૂ.૧૩૭૭ ઉપર તેજી તરફી ધ્યાને લેશો…!!
- અદાણી પોર્ટસ ( ૧૩૦૫ ) :- પોર્ટ એન્ડ પોર્ટ સેર્વીસ સેકટરનો આ સ્ટોક છેતરામણા ઉછાળે રૂ.૧૩૩૭ આસપાસનાં સપોર્ટથી પ્રત્યાઘાતી ઘટાડે રૂ.૧૨૯૩ થી રૂ.૧૨૮૫ ભાવની આસપાસ સપાટી દર્શાવે તેવી સંભાવના છે…!!!
- હવેલ્લ્સ ઇન્ડિયા ( ૧૧૮૩ ) :- કન્ઝ્યુમર ઇલેક્ટ્રોનિક્સ સેક્ટરનો આ સ્ટોક રૂ.૧૨૦૮ આસપાસ નફારૂપી વેચવાલી થકી રૂ.૧૧૭૦ થી રૂ.૧૧૫૩ ના ભાવ સપાટી આસપાસ ટ્રેડીંગ રેન્જ ધરાવે છે. ટ્રેડીંગલક્ષી રૂ.૧૨૧૩ નો સપોર્ટ ધ્યાને લેવો…!!!
- એક્સીસ બેંક ( ૧૧૬૨ ) :- રૂ.૧૧૮૮ આસપાસ ઓવરબોટ પોઝીશન સ્થિતિ નોંધાવતા આ સ્ટોક રૂ.૧૧૯૪ ના સપોર્ટથી આ સ્ટોક રૂ.૧૧૪૭ થી રૂ.૧૨૩૦ નો ભાવ આસપાસ સપાટી દર્શાવે તેવી સંભાવના છે…!! રૂ.૧૨૦૩ ઉપર તેજી તરફી ધ્યાને લેશો…!!!
By Ravi Bhatt – SEBI Registered Research Analyst – INH000012591
Disclaimer – https://www.capsavaj.com/policies
The securities quoted are for illustration only and are not recommendatory. Investment in securities market are subject to market risks. Read and agree Disclaimer and related all the documents carefully before investing, mentioned on www.nikhilbhatt.in
